19‏/3‏/2015

الرشوة تقتل

فكرة الفيديوهات التعليمية عجبانى من زمان وحبيت أعرف هل إحنا متقبلينها ولا لا لأنى بصراحة كان عندى شك إن إحتمال التليفزيون الوطنى مش بينتجها لانها لن تلقى قبول من الجمهور ولكن تعليقات اعزائى المدونين أثبتت إن فيه البعض بيحاول يعمل الافضل بس لا حياة لمن تنادى طالما عجلة المال هى التى تدور .

وبخصوص عجلة المال والمرض المنتشر جدا (الرشوة) ممكن نعرف إن العجله دى ممكن تيجى يوم وتضر الى بيمشيها زى النجار الى صباعه يتقطع على منشار الخشب فى الحالة دى بيحول الوظيفه للمنشار الى بيشتغل بيه والرشوة هى سلاح المنشار ده واكيد هيجيله يوم ويقطع الحد صباعه هو الى بياخد الرشوة 
مش هتكلم كتير عن الرشوة لان كلنا عارفين هى ايه وانا إتكلمت عنها قبل كده فى هذه البوستات :

مصر أكبر إنتاج للكوسه فى العالم.............!
التدرج الوظيفى والروتين
أوراق حكومية

وطبعا كل الى كتبته كان فى عهد مبارك وإعتقدت إن هيجى يوم ويتقضى على الظاهره دى لكن للأسف الطبع بيغلب التطبع ولقيت فيديو أنا اعترف إنه أحسن بكتير من كل الى كتبته زمااااااان 
يا ريت تركز فيه شوية وقته قصير لكن له مدلول كبير جدا ...
بتمنى كل عسكرى أو ظابط مرور يشوف الفيديو ده 

أسيبكم مع الفيديو.

هناك 12 تعليقًا :

  1. أول تعليق وبثقة
    ههههههههههههههه

    ردحذف
    الردود
    1. منور المقدمة فارس باشا
      ههههههههههه

      حذف
  2. جامد جداً
    :)
    تسلم إيدك يا كبير

    ردحذف
    الردود
    1. ربنا يكرمك يا باشا
      ربنا يسلم عمرك :)

      حذف
  3. صديقى العزيز
    الرشوة دى بقت ثقافة عندنا مش فى الشرطة
    بس بقت فى كل حاجة لها صلة فى التعامل مع الجمهور
    إلا من رحم ربى
    تجد هذه الظاهرة بكثافة فى المحليات والشرطة والمستشفيات العامة
    والمثل الذى توارثناه عن الجدود
    إذا أردت أن تنجز فعليك بالوينجز
    خالص احتراماتى

    ردحذف
    الردود
    1. فارس باشا
      الونجز ده هو الى مضيع الدنيا والمشكله إن الموظف المرتشى الناس هى الى بتساعده على كده
      لو الناس مدفعتش رشوة ولو الموظف مشمفش شغله إشتكوه هيعرف إن الله حق وغصب عنه هيتغير وهيشتغل صح لانه عارف إن فيه عقاب ولو إتغير واتفصل من شغله هيحترم نفسه بقيت عمره
      والمشكله يقولك اان بقيت فى الشارع وعندى عيال ميعرفش إنه يشحت عليهم أحسن من إنه يأكلهم حرام

      حذف
  4. الرشوة حرأم
    ( الفيديو لا يعمل😯)

    ردحذف
    الردود
    1. دكتورة نور
      الرشوة فعلا حرام والمشكله إن المرتشى بيبقى عارف ده
      بس الفيديو بيوضح فكره إن ممكن يصيبك ابتلاء من عمل ايديك
      الفيديو شغال ممكن يبقى المشكله من الجهاز محتاج نسخه جديدة من فلاش بلير
      ده لينك لأحدث نسخه من البرنامج نزليه وإن شاء الله هيشتغل
      https://aihdownload.adobe.com/bin/live/install_flashplayer17x32_mssd_aaa_aih.exe

      حذف
  5. مسا الورد يا جمال

    اعتذر عن التاخير فى الرد على هذا البوست
    الرشوه دى بقى ثقافة شعب وتقريبا احنا شعب الله المختار فى موضوع الرشوه اتذكر من فتره موقف حصل فى التامينات الاجتماعيه وبصريح العباره كده واحد قالى ادفعى 200 جنيه ويخلص على ما تشربى فنجان القهوه الكلام ده من حاولى عشر سنوات بصيت له وقولت له لو مش معايا دلوقتى قالى مافيش مشاكل شوفى الميعاد اللى يناسبك ولما رفضت بشياكه انى ادفع رشوه طلع عين اهلى على ما الموضوع خلص ويمكن صرفت وقتها مواصلات وتخليص اوراق اكتر من المبلغ ده بس تقول ايه بقى غبا بيد عنك اه غبا عشان مش عاوزه امشى مع التيار انما قررت امشى ضده ويمكن احد اسابا عدم اشتغالى بمهنة المحاماه هى الرشوه وبالمناسبه اسمها رشا بتسلم عليك ههههههههههه وفى كل مصلحه حكوميه بتلاقى حد او اكتر هو اللى معروف بموضوع رشا ده احنا عمرنا ما هيتصلح حالنا غير لو فعلا وقفنا ضد من يطبق رشا علينا

    ردحذف
    الردود
    1. زهراء
      تنورى النسر فى اى وقت
      انا سعيد بموقفك ده ومتزعليش أنتى صح
      لأنك رغم غنك صرفتى أكتر بس موصلتهوش للى فى دماغه وفى نفس الوقت إحترمتى ذاتك إنك ماجبرتيش نفسك إنها تخضع لإستغلاله وأنانيته
      رشا هيجيلها يوم وتموت مش تقلقى
      الشعوب الى عايزه تبنى لازم تكسر معاول الهدم
      تحياتى أختى العزيزة

      حذف