23‏/4‏/2015

نداء للمدونين الحاج (تاج) ظهر

فى البداية العنوان للجذب فقط يعنى كل الموضوع إننا سنحيى فكرة التاج من جديد وهذا إقتراح أختنا قمر وليل وغيوم . وهتكون طريقة الأسئلة غير التاج الذى سبق وكان موجود فى عالم التدوين بحيث إنه لن يكون أسئلة حول شخصية من وصل التاج إليه وهذا إقتراح أخونا شريف باشا . والأسئلة سأضعها واجاوب عليها كأول شخص مع إنه صعب إن الإنسان يسأل نفسه لكنى سحاول فى سبيل نشر التدوين التسلسلى . 
وأتمنى الاسئلة تعجبكم واتمنى من كل مدون دخل على البوست ينقل الأسئلة ويجاوب عليها وأتمنى أن يشير لمن نقل التاج من مدونته كما أشرت فى الأعلى لصاحبة الفكره فى الأساس  وايضا يضع طلب لمن عنده أن يشيروا له عند الإجابة على التاج وهذا كنوع من نشر التدوين  . وإن شاء الله الأسئلة ستكون قليلة وبسيطه وممكن نعتبرها بداية أو تجربة لعالم تدوينى أفضل .

الاسئلة

س1/ ماذا تمثل لك مدونتك ؟
ج1/ المدونة هى عالمى الذى يصعب الإستغناء عنه . أو بالمعنى الدقيق هى عالمى الذى أعيشه بحرية مطلقة وسط من أحب من الأصدقاء والزوار . عالم ليس به جمود الواقع ولا جموح الخيال

س2/ ماذا تمثل لك (تعليقات المدونة) ؟ هل هى أساسية أم تكميلية فى وجهة نظرك ؟
ج2/ تعليقات المدونة تكميلية فى نظرى فهى تزيد جمال الموضوع ووسيلة للتشجيع ومواصلة الكتابه وإن كان البعض يكتب دون أن يلقى لها بالا فحب الكتابه لدية أكبر بكثير من أن ينتظر جمهور

س3/ هل أردت يوما أن تكتب فى شئ وخجلت منه ؟ ما هو إن كان يمكنك ذكره ؟
ج3/ موضوعات كثيرة أردت أن أكتب فيها بحرية ولا يمكن أن يكتب فيها سوى بطريقة واحده ولكن ستكون غير مستساغه للكثير وقد يعتبرها البعض تغير فى أسلوب المدونة وقد يكون باب للبحث فى اشياء قد تقود لنتيجة غير مرضية فى حالة عدم تكامل الإدارك لدى متلقى المعلومة ..... من الأشياء التى اردت أن اكتب فيها التكامل الروحى والجسدى بين الأجناس وأيضا حوار الأديان المدمر  وبعضا من كشف العوالم الفوق طبيعية او خوارق الطبيعه ومدى زيف غالبيتها والكثير والكثير...

س4/ هل كتبت شيئا حدث لك ولكن بأسلوب تورية أى لم تذكر أنه أنت ؟ وهل كنت سعيد بالتعليقات عليه أم لا؟
ج4/ قليل ما كنت أكتب بأسلوب التورية فى النسخه الاولى من النسر المهاجر ق لا يتعدى موضوعين أو ثلاثة وكانت التعليقات عليه من اجمل التعليقات التى قراتها .. وللاسف اصحاب تلك التعليقات غادروا عالم التدوين الأن

  5/ أكثر شئ يسعدك فى عالم التدوين ؟ وأكثر ما يحزنك فيه ؟
ج5/ أكثر ما يسعدنى فى التدوين أنى أجد حريتى الحقيقية هنا أشعر وكأننى ولدت لأكتب ورغم قلة ما أكتبه إلا أننى أكون فى قمة سعادتى عندما أكتب موضوع تحت باب كتاباتى . وأيضا الصحبة الجميلة والراقية والمثقفه من أصدقائى أصحاب المكان المدونين الأعزاء فخر مدونتى الغالية وأركانها  وزوارى الكرام الذين يظهرون فقط فى عداد الزوار . وما يحززنى فى عالم التدوين هو مغادرة الطيور من أعشاشها وإنقطاع المداد من أقلامها وإعتلاء التراب على كتاباتها تلك الطيور ما كانت يوما تسعدنى بتغريداتها غادرت عالمها من أجل لا شئ من أجل أن تأخذ ليكات وشير وكومنت ثم تحتضر الكلمات بمرور الوقت الى الزمن السحيق ثم إلى الدليت أتمنى عودتهم جميعا .

س6/ قم بعمل إشارة لخمس موضوعات قديمة على الأقل فى مدونتك تريد إحيائها من جديد ؟
ج6/  الموضوعات كتير ومضطر أختار . وأنا إخترت دول (شوية منوعات) وأتمنى إنهم يعجبوا أى شخص يحب يطلع عليهم
      1/   الوقت (السيف الخفى)..............!                            (2009)  
      2/ ملاحظات مع الدكتور ملير (ينصح بقرائته)                (2009)
      3/ ماذا ستفعل إن وجدتها ..................!؟                        (2011)
       4/ هل أنت رجل مع إمرأه تحبك  ............!                     (2011)
       5/ هوس الفراق                                                     (2013)
       6/ زهور وأشخاص                                                (2013)
       7/ الحياة بين أنامل بشرية                                         (2013)
       8/ القانون الإسلامى x القانون الوضعى                       (2013)
       9/ لم يعد حبك جنتى....                                             (2013)
     10/ صاحبة الأساور الذهبية                                       (2014)
     11/ دين ودولة                                                         (2014)
       
س7/ نصيحة أو كلمة موجزة تريد أن تقولها بخصوص أى شئ ؟
ج7/ كلمتى بخصوص التدوين أريد أن أرى عالم التدوين كما كان فى أول نشأته فنحن فى عالم أقدم من مواقع التواصل الإجتماعى المدونات موجوده قبل أن يفكر أصحاب المواقع الإجتماعية فى إنشائها لمذا نترك الأصيل ونذهب للهذيل . حاولوا جذب مدونين جدد لهذا العالم الجميل أو أعد طيراً غادر عشاً ذات يوماً .

س8/ لمن تهدى هذا التاج ؟
ج8/ كل من دخل هنا أهدى له هذا التاج واتمنى أن يتقبله منى

الأسئلة إجتهاد شخصى قد تكون ليست على المستوى المطلوب ولكن من الصعب أن تسأل نفسك وتجيب ولكنى وضعتها كأسئلة لغيرى . وأتمنى أن تضع تعليق يبين مدى تأيدك أو رفضك للفكره .

لا تنسوا الإشاره لمصدر التاج و لمن ستهديه هذا التاج ولك الحرية فى زيادة الأسئلة .
تحياتى أخوتى الكرام

هناك 30 تعليقًا :

  1. هااااايل
    :)
    أحييك على أخذ زمام المبادرة والشكر موصول بالطبع للزميلة الفاضلة / قمر وليل وغيوم صاحبة الفكرة
    :)
    عجبتني الأسئلة وبالذات السؤال بتاع التدوينات القديمة لأني بجد بابقى عاوز أتعرف على مدونات كتيرة وأقرا مواضيع فيها بس الوقت ما بيسمحش للأسف ؛ أعلم بالطبع أن كل التدوينات بتبقى ليها مكانة خاصة عند كاتبها وفيها الكثير منه ؛ فكونك تتفضل وترشح لنا كام تدوينة من مجمل تدويناتك علشان نقراهم ده شيء جريء أحييك وأشكرك عليه ؛ وكويس برضه أن حضرتك ما دبستش حد في التاج ده وخليت كل واحد براحته :)
    ممممم .. كويس برضه أن حضرتك حصرت التاج على "التدوين" كموضوع ؛ وإذا كنت اقترحت حكاية عدم الأسئلة الشخصية فده لأني عارف أن مش كل واحد بيحب يتكلم عن نفسه وعن حياته الخاصة؛ واللي عاوز يعرفنا بنفسه أهلاً وسهلاً طبعاً نتشرف والله ؛ لحد دلوقت فيه زملاء متابعهم من سنين وما أعرفش أساميهم الحقيقية ولا أي معلومات عنهم.
    شكراً أخي الكريم على الموضوع الجميل .. وإن كانت هناك ملاحظة أخيرة فيما يخص الأسئلة؛ وهي أننا هنضطر نكتبها ع الوورد لأننا مش هنعرف ناخدها كوبي من على مدونتك :)
    خالص ودي وعميق احترامي وتقديري

    ردحذف
    الردود
    1. شريف باشا
      حضرتك أخدت أول تعليق ههههه
      وحضرتك انا سعيد جدا إن التاج عجبك
      ونصيحتك كانت فى محلها بصراحة وده لحظته فى التعليقات وبشكرك على الفكره دى
      وبالنسبه للمقترحات بجد بتمنى كل الناس الى بتشرفنى تقراهم وتقول رايها يعنى أنا إخترت الحاجات الى عايز اشوف رايى حبايبى المدونين فيها
      وبالنسبه للكوبى صدقنى أنا نفسى لو حبيت أعمله تانى مش هعرف أخد كوبى ههههههه
      تسلملى يا باشا

      حذف
  2. فكرة جميلة
    لكن بصراحة لا احب
    التاج ولا احببت التاج
    كنت أحسه كواجب عفوا
    (ثقيل) الى قلبى وكنت اتهرب
    من الأجابة على الأسئلة بقولى
    (انى وضعت التاج بالخزنة الى حين)

    ردحذف
    الردود
    1. دكتورة نور
      وجودك بيسعدنى
      وبالنسبه للتاج ده حرية شخصية
      وكفاية إن حضرتك شرفتينى بوجودك الكريم

      حذف
  3. كما وأن ما كان بالأمس
    قد لا يكون بالضرورة صالحا اليوم
    الدنيا الى تطور دائما اليس كذلك؟

    ردحذف
    الردود
    1. عندك حق دكتورة نور بقاءء الحال من المحال
      ولكن أحيانا بيبقى الظروف واحده بين المناضى والحاضر

      حذف
  4. الخلاصة استاذ جمال
    انا بأحس انه واجب
    حتى لو أنا اللى حاحط
    الاسئلة لكن اهو بقى
    عقدة من ايام الدراسة ☺☻

    ردحذف
    الردود
    1. هههههههههههههههههه
      ولا يهمك دكتورة
      مدام مش عايزه تنشريه فده حرية شخصية
      ويكفينى إن حضرتك شرفتينى بالتعليق
      وقرأتى التاج بتاعى
      تحياتى وإحترامى

      حذف
  5. يا سلااااام
    ده ايه المفاجأه الحلووووووه دى
    انا هروح اقرأ وارجع تانى
    سلام.مؤقت

    ردحذف
    الردود
    1. أنا منتظر هههههههههههههههه

      حذف
  6. السلام عليكم اخى جمال
    والله الاسئله عجبتنى اوى بجد برافو عليك
    وانا سعيده اوى اوى انك اهتميت بطلبى شكرا ليك بجد
    دى هتبقى البدايه وان شاء الله بعد كده هيكون فى تفاعل اكتر
    اجاباتك بصراحه جميله جدا ولا اعتقد ان حد يقدر يجاوب عليها بموضوعيه زيك كده
    بس ياربت ياريت تكتب عن موضوع التكامل الروحى والجسدى بين الأجناس
    ده كفايه بس العنوان
    والله ياريت تبدأ فى كتابته وانا حاسه انه هيلقى موضوع اكثر اكثر من رائع
    جميل التاج وعجبتنى فكره الاسئله جدا جدا وهى دى البدايه
    :)
    تحياتى ليك وخالص تقديرى

    ردحذف
    الردود
    1. قمر وليل
      انا مففروض أشكرك على الفكره لانها بدأت من عندك وأتمنى إنها تنتشر ولكن حتى الان لم اجد تاح واحد منقول ولكنها تجربة جميلة بالنسبه لى وطبعا سعيد إن الأسئلة نالت إعجابك
      بالنسبه لموضوع التكامل الروحى انا ادرجته من المحظورات هههههه
      غالبا طريقة كتابته فيه أجزاء هتبقى عاديه وأجزاء غالبا مش هتعجب حد ولو كان العنوان ملفت لكن مأعتقدش إن المحتوى هيبقى بجمال العنوان
      تحياتى ليكى أختى الغاليه
      وشكرا مره تانيه على الفكره الأكثر من رائعه
      دمتى بخير

      حذف
  7. نسر النسور
    فكرة التاج فمرة رائعة
    فهى تقرب المدونين من بعضهم البعض أكثر وأكثر
    كما أنها تبث روح المرح والألفة بين المدونين
    ممكن نضيف
    سؤال
    موضوعات كتبتها وندمت على كتابتها
    والشكر لك أخى وللأخت قمر وليل وغيوم
    خالص احتراماتى

    ردحذف
    الردود
    1. فارس الفرسان
      الحمد لله إن الفكره عجبتك أستاذى وهى فى الأساس
      لاختنا قمر وليل وشاكر لحضرتك كلماتك الجميلة
      بالنسبه للسؤال الى حضرتك قولته جميل وممكن حضرتك تضيفه لو نقلت التاج فى مدونة حضرتك
      تحياتى وإحترامى أستاذى الجليل

      حذف
  8. ياااه تاج

    فكرتوا بزمااان اول ما بدئنا التدوين

    ربنا يبسطكوا


    تحياتى

    ردحذف
    الردود
    1. ممكن
      بنحاول نعيد الى فات هههه
      أتمنى تكون التجربة عجبتك ولو أمكن تشارك فيها
      تحياتى

      حذف
  9. هي الفكرة حلوة مفيش كلام
    بس مش عارفة اذا ممكن اقدر عليها

    ردحذف
    الردود
    1. رحاب صالح
      إن شاء الله هتقدرى
      أنتى شاركتى فى التاج القديم
      وأكيد التاج الجديد هيبقى جميل بوجودك

      حذف
  10. مسا الورد عليك يا اخونا العزيز ...

    فكرتنى بأيام رائعه وقت تاج التدوين وعن جد لابد من توجيه الشكر لقمراية التدوين فمر وليل وغيوم ولازم نشكر طبعا الباشا الكبير بتاعنا شريف وكل الشكر والدعوات بالخير والسعاده لشخصك الكريم ...
    اجمل ما فى التاج المره دى انه مش نوعية اسئله اسمك وسنك ونوع الاكل اللى بتحبه واين نشئت وترعرعت ههههههههه قرات بوست زهور واشخاص وعن جد رائع اوى اوى
    بس من فضلك عندى ملاحظه صغننه ياريت تكتب بوستات باسلوبك وتكتر الانتاج شويه يا عمى الكلام ببلاش ههههههههه وفى نفس الوقت استمر فى نقل الموضواعات الطبيه والثقافيه والدينيه لان فى حاجات اعرفها لاول مره
    بدون مجامله انت انسان محترم ومثقف ماشء الله عليك ودعواتى لك بالسعاده والتوفيق وان شاء الله اعمل تاج عندى برضه

    ردحذف
    الردود
    1. زهراء
      مساء الورود والياسمين
      طبعا أنا معاكى إن لأختنا قمر وأخونا شريف جزيل الشكر والعرفان
      والحمد لله ان الاسئلة عجبتك
      بالنسبه لزهور واشخاص عنجد انا سعيد برايك جداجدا لانه من أكتر الموضوعات الى حبيتها
      بالنسبه للكتابه فدى بتخضع لوجود الموضوع وكمان قابلية الإنسان للكتابه أوعدك هكتر من كتباتى شوية بس فى الفتره الحاليه صعب شوية .
      وأنا بدون مجامله سعيد إنى عرفت ناس زى حضرتك فى عالم التدوين مجرد معرفتهم شرف كبير لى شخصيا وبيجمعوا الكثير والكثير من الصفات الجميلة والمنوعه فى ذات الوقت
      وأنا منتظر التاج عند حضرتك :)
      تحياتى وشكرا على تعليقك الجميل

      حذف
  11. مساء الورد عليك جمال

    جميل اوى فلسفتك انت وقمر بجد مااجمل التقارب بين الاصدقاء والاخوه فى الله

    واجمل ما فى التدوين طرح الافكار والاستفاده من فلسفة بعض .. يدوم الاحترام والفكر المشجع
    كل الود والاحترام

    ردحذف
    الردود
    1. مساء النور والراحين
      انا مع حضرتك ان اجمل ما فى التدوين تقارب الافكار
      وايضا اجمل ما به وجود شخصيات زى حضرتك
      تحياتى مع خالص إحترامى وتقديرى

      حذف
  12. لا ازاى
    انا بحضر التاج عندى وبجهز إجاباته
    وهضيف سؤال اخى الفرسان كمان ان شاء الله
    تحياتى اخى جمال

    ردحذف
    الردود
    1. قمر وليل
      فليبدأ العمل إلى التاج ههههههه
      منتظر إجباتك عسى أكون اول تعليق :)
      تحياتى أختى الكريمة

      حذف
  13. السلام عليكم
    قرأت الفكرة ورددت عليها فى مدونتى الأخت قمر
    وأعجبتنى جدااا


    تحياتى لموضوعك الراائع الجميل
    وتحية لكل الأصدقاء

    ردحذف
    الردود
    1. وعليكم السلام
      أولا أهلا بيك فى النسر المهاجر وأتمنى إن المدونة تنول رضاك
      وتشرفنى ديما بوجودك
      التاج بتاع حضرتك من الأخت قمر فهتنقل سؤال زياده إقترحه أخونا فارس الفرسان
      وأتمنى لو تشاركنا التاج
      وشكرا لمرورك وزق حضرتك الراقى فى التعليق
      تحياتى أخى سعيد

      حذف
  14. أشكرك جدااااااا
    والشكر موصول للأخت قمر
    واختيارك للأسئلة جيد
    إن شاء الله أشارك في هذا الأمر
    أحسنت

    ردحذف
    الردود
    1. محمد سلامة
      انا الى بشكرك جدا على متابعتك
      وطبعا الاخت قمر مشكورة كل لحظة :)
      والحمد لله إن الاسئلة نالت إعجابك وحتى الان مفيش حد زعل منها ههههه
      منتظر إجاباتك على الاسئلة
      تحياتى

      حذف
  15. خطوة موفقة.. عجبتني الفكرة كلش لطيفة.. شكراً لمبدعتها قمر وشكراً لمن اخرجها للنور وهو أنتم
    مسرورة لتواجدي في صفحتك.. فشكراً حزيلاً

    ردحذف
    الردود
    1. طيف
      أهلا بيكى فى النسر المهاجر وأتمنى المدونة تنول إعجابك
      وشكرا لحضرتك على كلماتك الجميلة بخصوص البوست والشكر ليكى وللاخت قمر على تشريفكم وتواجدكم فى هذا البوست
      وأنا اكثر سعادة بوجودك فى عالم النسر المهاجر
      تحياتى وإحترامى

      حذف