اليوم ذكرى تاريخيه فى حياتى
ممكن البعض يضحك لكن لازم اترخها هنا
لاول مره فى حياتى اخلع ضرس دائم منذ ان خلعت اسنانى اللبنيه
يعنى اعطانى احساس انى عجزت هههههه
خلع الاسنان بيكون فى الطفوله والشيخوخه وانا بدات ههه
وزى مقولت دى ذكرى خاصه علشان محدش يتريق
واكتشفت ان اكل العيش اسهل من خلع ضرس
كل مناسبه وانتم بخير
لن أضحك
ردحذفولكن سأقول طولة العمر لك بصحة وسعادة :)
فليس مهما كم نعيش ولكن المهم هو كيف نعيش
تحياتي
د. ايمان
حذفانا سعيد جدا بتشريفى بالتعليق فى مدونتى المتواضعه
وأتمنى من الله دوام الصحة والتوفيق لحضرتك وأحبائى المدونين
مودتى وإحترامى
مسا السعاده يا جمال
ردحذفاوعى يكون ضرس العقل ههههههههههههه بمناسبة ذكريات الاسنان اول مره خلعت كنت فى ثانويه عامه وكان ناب ولعلمك بقى كان عندى وساوس قهرى من نظافة الاسنان والناب ده كان اتكسر منه جزء وانا مستمره فى التعامل معاه بكل حزم وشده والفرشاه بعد كل وجبه حاجه كده جنان بعيد عنك..
المهم روحت للدكتور بصحبة والدتى ربنا يبارك فى عمرها والدكتور اول لما شافنى قالى لازم يتخلع وطبعا انا ولا اعرف يعنى ايه خلع اصلا لانى اكيد نسبت وقت تبديل الاسنان عشان كنت طفله صغننه طبعا المهم عمو الدكتور عمل اللازم واخدت حقنة البنج لاقيت الدكتور بيقول انه بنسبه عاليه لازم هنفتح وانا مش فاهمه عادى فجاه بيحط الكماشه فى بقى يتكسر الناب ( اى اى اى ) اه نسيت اقولك انه كان هيكل لانه تاكل بفعل عوامل التعريه ههههههههههههه وانا سمعت صوت الرعد فى ودانى يووووووووه اقصد سمعت صوت الكسر المهم عمل فتحه صغننه كده عشان يطلع ام الناب فجاه لاقيت ماما جه لها اغماء والممرضه اللى مع الدكتور اخدت ماما بره الاوضه و لحسن الحظ صديقه لامى بتعمل فى نفس المكان وانا استمرت فى هذا الوضع لوحدى وهاموت من الرعب على ماما ولا حسيت بأى حاجه من اللى حصلت معايا واخدت غرزتين كمان ههههههههههههه عادى بقى ودى اول ذكرى للخلع ثم توالت الذكريات يا صديقى الى انا وصلت لخلع احدى ضروس العقل وعادى بقى عايشين والحمد لله والموضوع ليس له اى علاقه بالشيخوخه انما عوامل وراثيه يا عمنا
يارب يبارك فى صحتك ........
وتتوالى المأسى أختى زهراء
حذفبس انتى بداتى الرحله بدرى
الحمد لله اسنانى كويسه
انا كنت فاكرها ضعيفه وأول مهمسك الضرس هيطلع فى ايده
الدكتور ريح مرتين وهو بيقلعه وده الى زعلنى انه ضرس متبت بس المشكله ان خلعه أحسن علاج له
انا اول مره اخلع سنان من ايام مكنت طفل
حتى وأنا طفل انا الى خالع كل سنانى لنفسى
بالنسبه للشيخوخة
فمكدبش عليكى بحس كتير انى دخلتها حتى ولو كان افتراضيا :)
ربنا يخليكى ودومتى منورة مكانك فى مدونتك النسر المهاجر
تحياتى
سلامتك الف الف سلامه
ردحذفعلى كده انا بقه خلاص عجزت من زمان
انا خلعت اربع ضروس ومش اى ضروس بقه دة ضروس العقل كلها لحد ماعقلى طار ههههههههه
الف سلامه عليك ويارب يعافيك ويعافينا من كل سوء
اللهم امين
قمر وليل
حذفالله يسلمك أختى الغاليه
ضروس العقل زى اى دروس أهو كله بيتخلع :) هههههه
وربنا يتقبل منك ويرزقك الخير كله