بقالى فتره بيجى فى عقلى أفكار وللأسف يا إما بنسى أسجلها أو بكسل أكتبها
ولكن النهارده لفت إنتباهى حاجه فى مداخل القرى
دلوقتى بتلاقى شوية بنى أدمين ممكن يكونوا بلطجيه أو عالم تلفانه أو تجار مواشى (أعزكم الله) أو حبوب
مصورين نفسهم صورة ومعمولة جرافك وحاطتها فى مدخل البلد
أو عامل دعوة لطهور ابنه وحاطت صورته هو وابنه والدعوة عامه أو نعى أو غيره
بتلاقى الصور كتيير كأنك ماشى فى جريده
البلاد الى فيها شهيد بتلاقي أهالى البلد كلها طابعين صورته وجرافك برضه وعليها ادعيه او ايات أو غيره كنوع من التكريم
طيب الفكره فين أو الكلام ده ليه .
الملحوظه كلها إن الشعب المصرى للأسف بيحاول يستخدم اى حاجه فى اى حاجه
يعنى استخدام وسائل الدعايا والاعلان بدل مهى لمنتجات بقت علشان الناس يشوفوا حضرته
مش عارف ايه ذنب الناس كل متدخل البلد تشوف خلقته بس هو كده وخلاص
بالنسبه لواضع صورة شهيد طبعا ده شعور جميل إننا نكرمه
بس ممكن نعمله بوستر أو اتنين مش مليون واعتقد الأحسن إننا نخرج فلوس التصميم والطباعه على روحه بدل المنظره واللوحات الملونة والمضيئة .
ليه بنحاول نستغل العلم الى ربنا بيمنحه لينا او التكنولوجيا فى حاجه تافهه .. ليه علشان خاطر الفلوس اتعلم جرافك واصمم صور تطبع بالطريقه دى ومش بفلوس علشان أكسب ملاليم فى حين غنى ممكن اكسب كتير لو اشتغلت بطريقه صح
ليه أساهم إنى أكون سبب فى تلوث بصرى لما ألاقى واحد عامل بوستر مترين وواقف فيه خمس اشخاص فاكرين نفسهم نجوم مجتمع وكاتب تحته ولاد كذا ..
لولا التشهير كنت جبت صور للوحات دى . كلنا عندنا حاجات غلط فى حياتنا بس مدام مرتبطه بغيرنا يبقى لازم نمشيها صح
كنت اتمنى لو اقدر اوصل الكلام ده للناس فى البلاد دى بس للأسف ماعتقدش ان الرساله هتوصلهم حتى .
ما كان لله ينمو ياصديقي.. وإن شاء الله تصل رسالتك
ردحذفمنورة الدنيا أختى طيف
حذفحقيقة ماكان لله ينمو
أتمنى ان نفعل هذه المقوله فى حياتنا كلها