6‏/5‏/2015

نظرة عاشقة

وقفت حائرة بين قدرها وحبها أيهما تختار , لم تكن تظن يوما أنهما سيلتقيا ولكن ها قد حدث فأيهما ستختار هل تقتله أم تعود خائبة لأول مرة فى حياتها , أم تقتل نفسها فإن عادت لا محالة أنها ميته . يا الله .... كم كانت تحلم بأن تصل لهذا المكان وتقف فيه تنظر إليه مباشرة  ولكن أصبح أقبح مكان إلى قلبها الأن . 
تقرب عدستها من نافذته فتراه جالسا على منضدته وينظر لسقف غرفته..فتسال نفسها فيما يفكر هل يعلم أنه الأن فى مرمى أكثر إمرأة أحبها  أم أن سهام الحب أصابت عقله كما أصابت قلبه .
تسأل نفسها حائرة هل إن قتلته سأجد من يحبنى مثله أم سيموت الحب فى قلبى ؟ وهل إن تركته ومت أنا هل سيعيش على ذكراى أم سيبحث عن حب جديد ؟ 
أفاقت للحظة وقالت يستحيل أن يبحث عن حب جديد لقد ساندنى كثيرا وهو يحبنى انا متأكدة من هذا لقد قال لى إننى أقوى إمرأة عرفها ورغم ذلك أرقهن طبعا ..... وسالت دمعه من عينها كأنها تعتذر له عما فعلت 
ولفت إنتباهها فى هذه الأثناء أنه احضر ورقة وقلم وظرف ... وفجأه سمعت رنين هاتفها
- ألو 
- إنتى لسه منفذتيش العملية لحد دلوقتى ليه
- مفيش لسه مجاش قوضته و....
- إحنا بنلعب ولا ايه هو فى قوضته من نص ساعه إنتى فى دماغك إننا سيبينك كده أو بيندفع فلوس لينا فى الفاضى أو مراهنين عليه الفلوس الى بتتدفع لينا لأن الإصابه من أول رصاصة
- بس ...
- مفيش حاجه إسمها بس فى شغلنا مفيش عندنا أخطاء خلى بالك قدامك خمس دقايق يا إما تقتليه يا إما القناص الى رصدك هيقتلك مكانك .
- قناص ...؟!
- أيوه ولو حاولتى تعرفى مكانه هيقتلك فورا 
- أوك هنفذ
- متنسيش تمسحى دموعك يا قطة 
ويغلق الهاتف فى وجهها 
تجفف دمعتها وتنظر إليه مره أخرى من منظار بندقيتها علها ترى بسمته الأخيره وترى وجهه لأخر خمس دقائق فى حياتها فلا تتصور أنها ستقذف رصاصه على قلبها وهو جالس أمامها قد يعلم انها ماتت من أجله فيطلق إسمها على إحدى بناته بعد أن يكون لغيرها حتى لا يغيب إسمها عنه كما سيغيب جسدها فى التراب ...... نعم إنها ستنتظره كل يوم وهو يزور قبرها ويضع عليه الورود التى تحبها وإبتسمت لأنها علمت أنها ستقف مع حبها وستضحى بقدرها من أجله ووجدته يكتب فى الورقه كلمات فقربت المنظار من الورقه لتقرأ بعضا مما كتبه إن إستطاعت لأخر مره فوجدته يكتب 
- حبيبتى ,
اليوم فقط أستطيع أن أخبرك شيئا أخفيته عليكى منذ فترة طويلة . أنا أحببتك حقا ولكنى لم ارى فيكى شريكة حياتى فكما أخبرتك أنكى أقوى إمراه قابلتها ولكنى خدعتك عندما قلت لكى أنكى أرقهن طبعا فلا يمكن أن تجتمع القوة والرقة فى إمرأة ولا أرى أنه سيمكننى أن أعيش معكى كزوجتى أو أستأمنكى على حياتى فمن إمتدت يده لإزهاق الروح مقابل المال لن يتردد لحظة فى إزهاق روح من يحب من أجل القليل من المال ووقتها لن يشفع الحب لى عندك . وإنى أعلم أنكى لو وضعتى بينى أنا وحبى وبين المال لإخترتى المال وقتلتينى . عيشى كما أنتى وإنسينى كما سانساكى فانا أعلم أنكى ستبحثين عنى بعد قراءة هذه الرسالة لذلك قبل أن تصلك سأكون مع زوجتى المستقبلية خارج البلاد  .... شكرا لكى على المال الذى أرسلتيه لى طوال المدة الماضية فإنه سيكون عونى على الحياة فى الخارج أما بوليصة التأمين التى أمنتى بها على حياتك لحسابى فلا أظن إننى سأقبضها الأن فانتى ما زلتى شابة صغيره وبعيدة عن براثن الموت لذلك تنازلت عنها .. مع تمنياتى بحياة أفضل ...
رسالة ممن أحببتى .
قرات الرساله وعقلها لا يصدق وإتخذت قرارها فجأه بأن تقتله فنظرت فى الساعه لترى كم تبقى من الخمس دقائق فوجدته ثانيتين فذرفت دمعتها الأخيرة وأغمضت عينها .
 أثناء سفره وهو يركب الطائرة يرى فى الجرنال خبر عن مقتل قناصة مجهولة الهوية برصاصة فى رأسها من الخلف من مسافة قريبة فى العمارة التى تجاوره والشرطه تبحث عن شخص وجدوا صورته فى حافظتها لمعرفة هويتها ........
إنتهى 

هناك 28 تعليقًا :

  1. صباح الفل ...
    لما قرات العنوان قولت هو جمال يقصد نظرة انسانه عاشقه او النظره نفسها هى نظرة عشق وفكرت كثيرا فى الفرق بين المعنيين وسرحت بخيالى قبل ان اقرا البوست هل كل انسانه عاشقه تحمل نظرات تعبر عما نحويه مشاعرها ؟؟ ام ان االنظره التى تحمل العشق تكون اصدق ؟؟ المهم بدات القراه ومش عارفه ليه تخيلت ان ده فيلم اجنبى طبعا انا مش عارفه هو فيلم او روايه من تاليفك اللى اقدر اقوله ان بطل الروايه جبان وندل وهذا حال معظم رجال المجتمع الشرقى بسبب تربيتهم الخطأ حينما يحب او يعشق مافيش ادنى مشاكل انه يحب واحده شخصيتها قويه ومثقفه ويمكنه الاعتماد عليها لكن حينما يفكر فى الزواج الامر يختلف تماما هو يبحث عن امراه غلبانه ليس لها شخصيه حتى وان كانت تمثل عليه وطبعا لا اخفيك سرا ان البنت المغلوبه على امرها اصبحت غير متواجده حاليا الا فى بعض المجتمعات القبليه نظرا لاختلاف ظروف النشأه والبيئه عن المدن والارياف
    المهم نرجع لكلامنا تانى القصه حلوه وممكن تكون متواجده بل ومكرره بس طبعا باشكال وأنماط مختلفه تماما عشان لسه مش متواجد فى مصر البنت القناصه بكره نلاقيها متواجده عادى بقى مع التطور الطبيعى لكل حاجه بتحصل حوالينا

    يا ترى البطل كان بيكدب عليها ليه ؟؟ كان عاوز منها فلوس او هى عجبته بجد واحتمال يكون تمنى بينه وبين نفسه يرتبط بها لكن ظروف المجتمع والناس والحياه اجبرته انه يتجوز واحده زى ما الكتاب بيقول زى امه واخته وعمته وخالته .... عارف يا جمال انى قابلت نموذج بنفس الطريقه اللى انت حكيت عنها وكان منبهر بها اوى اوى وكان بيقولها باحب فيكى شخصيتك القويه وازاى انتى معتمده على نفسك و.... و......... بس وقت الجد مش ينفع يتجوزها لانه عاوز واحده شبه امه وزى اخواته البنات عادى بقى زى ما قولت لك الرجل الشرقى اتربى غلط وعشان بس مش اظلم حد الا من رحم ربى وقابلت نموذج تانى برضه اتربط بنوعية بنت زى بطلة القصه واتجوزها وما شاء الله حياه سعيده واسريه مستقره ......
    ارجع واقولك القصه واقعيه ورائع جدا جدا
    تسلم الايادى يارب

    ردحذف
    الردود
    1. صباح الورد زهراء
      طبعا أى إنسانه عاشقه بتكون شفافه جدا لان درجة العش تفوق الحب وبيقدر أى حد يحس ده ويشوفه
      للأسف قصة انا كاتبها يعنى دمجت حتة شرقى مع حتى أوروبى مش منتشره فى القصص بتاعتنا كعرب
      بالنسبة للبطل بيعبر عن البعض أو فئة من الباحث عن المال وليس الحب الحقيقى يعنى بيحبها بس زى مقولتى مش شايفها تنفع زوجته وممكن تكون أسبابه حقيقية هو ميعرفش الى جواها هو الى شايفه إنسانه بتموت فخايف على نفسه الى جواها إحنا بس الى شيفينه يعنى ممكن يكون له عزر :)
      بالنسبة للبنت القناصة دى موجوده فى اى مكان فى العالم . القتله المأجورين زى الوظايف الحكومية ومنشرين فىالعالم كله بس متخفين طبعا مش هيجى يقولك إنه قاتل ومنهم من الجنسيسن وبيعيشوا حياة غير حياتهم لدرجة إنه ممكن تكونى عارفه حد منهم ومع ذلك متعرفيش غنه منهم وممكن يكون جار ليكى وشيفاه كويس أو غيره الناس دى بتبقى ديما مبهمه .
      البطل فى القصة بيحبها بس مش مأمن يتجوزها من الاخر عنده شك فى انها ممكن تفضل الحب على القدر الى هو بقى قدرها طبعا قصدت بالقدر انها قاتله مأجورة وبالنسبه لدوافع البطل فى حبه ليها وايه الى هيحصل ليه فده مبهم فى القصه لان الهدف الموقف نفسه ممكن يكون بيضحك عليها أو استغلها أو رمته الظروف فى طريقها المهم إنهم فى النهاية وصلوا للموقف ده وبرضه هل يا ترى هيهرب ولا هيتقبض عليه ولا هيتهموه بقتلها ده مش مهم لانه بقى ملوش قيمة .
      انا شايف إن نظرتك قاسية للرجل الشرقى هو فعلا بيحب البنت المنكسره الى هى مبقتش موجوده وده لانه عنده خلل إسمه مفيش معارضه فى النقطه الى مش هنتفق عليها وده مش عقده أو غلط فى التربية لان اى مكان لازم فيه القائد زى الاب بالنسبه لأولاده عمر مكان منع الاب بنته من السهر متاخر بره خلل فى تربيته إنما هو بخاف عليها وهى مش مقدره ده ومش بتقدره الا لما ترجع وبها حاجه وبرضه لما بتبقى أم رغم إنها كانت معارضه لابوها الا أنها بتعمل زيه فى كل حاجه . مجتمعنا عموما فيه خطوط مينفش نعديها بإسم القومية أو الدين أو الاخلاق أيا كانت هى فى النهاية بتحافظ على حياتنا وأدميتنا وحتى إن عارضها البعض.
      أما إنه يلاقى واحده زى أمه وإخواته فربنا حرمهم عليه علشان يروح يجيب واحده مش زى أمه ولا زى إخواته علشان يقدر يعيش معاها ويبقى فيه فكرين فى البيت مش فكر واحد .
      شكرا ليكى زهراء على المتابعه والتواجد المشرف
      تحياتى

      حذف
  2. يا معلم أنت يا معلم
    :)
    إيه المواهب المستخبية دي يا كبير ؟ أنا افتكرتها قصة فيلم في الأول والله
    القصة جامدة جداً يا أستاذنا وبجد بجد أرفع لك القبعة وأنحني لك تقديراً لموهبتك الفذة
    :)
    برافو عليك يا جمال والله .. خالص تقديري واحترامي

    ردحذف
    الردود
    1. حبيبى شريف باشا
      منور المنطقه وجوارها
      الحمد لله إن القصه عجبتك وطبعا اتصدمت لما ملقتهاش لفيلم هههههههه
      شكرا ليك يا حبيبى وإن كانت مفيش موهبة قصصية.
      بصراحة بينى وبينك أول مره فى حياتى أكتب قصة هههههه
      تسلملى يا باشا
      منورنى ديما شريف باشا

      حذف
  3. واااااو
    واو واو واو
    ايه ده
    ايه الابداع ده
    دى اول مره تكتب فيها قصه ؟اعتقد لاء لان بصراحه طريقتك فى السرد توحفه والبدايه والنهايه ممتعه جدا جدا
    بجد ابهرتنا اخى جمال
    تسلم اديك بجد على هذا السرد الرائع
    دمت مبدعا
    حقيقى توحفه ومبهر
    استمتعت جدا
    ارق تحياتى لك

    ردحذف
    الردود
    1. قمر وليل صباح الفل
      والله أول مره أكتب قصة والحمد لله طلعت مقبولة
      تعليقك أبهرنى انا كمان بصراحة متوقعتش إنها هتعجب الناس كده
      شكرا جزيلا لتقيمك الى شرفنى شخصيا
      والى يعتبر شرف كبير لمدونة النسر المهاجر
      مودتى وإحترامى أختى قمر

      حذف
    2. بتكلم جد
      دى اول مره تكتب فيها قصه!!!!
      بجد مش مصدقه

      حذف
    3. ههههههههههههه
      مهو علشان إنتى مش هتصدقى حلفتلك
      بجد أول مره أكتب قصة
      انا أساسا كنت عايز أكتب اى حاجه وملقتش حاجه أكتب فيها
      فتحت موضوع جديد وقولت إخترع اى حاجه
      طلعت نظرة عاشقه
      يعنى ممكن مش تتكرر تانى ههههههه
      وبعيد عن القصة أنا سعيد جدا لمتابعتك للتعليقات
      يعنى ممكن أعملها جزء تانى لو هتابعى هههههههههههه

      حذف
    4. ياريت تعملها جزء تانى وطبعا هتابع ده اكيد
      :)

      حذف
    5. ربنا يكرمك يا قمر
      إن شاء الله ممكن اجرب اعمل واحده تانيه
      وأكيد هتنورى النسر المهاجر زى محضرتك منوراه دائما

      حذف
  4. موقف لا تُحسد عليه
    ندعو الله الأ اقف مثلها
    ابـــــــــــــــــــــــــــداص

    ردحذف
    الردود
    1. دكتورة نور
      فعلا لا تحسد عليه
      لأنها إكتشفت أنها دفعت حياتها مقابل سراب ولم يكن لديها فرصه للتصحيحأو الندم
      نورتى النسر المهاجر د/نور
      تحياتى

      حذف
  5. عهدتك كاتبا بارعا واليوم أراك قاصا مبدعا واسلوبك شيق أنيق ورااقي


    ما أروعك !



    قرأتها أكثر من مرة ولكنى سأعود لأقرأها من جديد



    تحيااتى

    ردحذف
    الردود
    1. سعيد وحشه
      أخى سعيد
      عهدت فيك حسن التعليق والاسلوب الجيد فى كتباتك وتعليقاتك
      احمد الله انها نالت إعجابت
      ومرحبا بك فى مكانك فى اى وقت
      دمت بخير وصحة جيدة
      تحياتى اخى

      حذف
  6. اقصوصه حملت فى طياتها المعانى الكثيرة
    احييك جمال قلم راقى بديع احسنت
    كل الود .. مساء الورد عليك

    ردحذف
    الردود
    1. شاعرتنا الجميلة إبتسام حسين
      شكرا لمرورك وحسن التعليق
      فالكلمات الجميلة هى من صنعة فرسان الكلمة
      تحياتى وإحترامى

      حذف
  7. الردود
    1. شكرا لك أخى محمد
      شرفنى مرورك الكريم

      حذف
  8. اخى جمال
    اتمنى ان تكون فى افضل حال
    طالت الغيبه
    افتقدنا حرفك

    ردحذف
    الردود
    1. قمر
      متشكر جدا لسؤالك
      أما الغيبه فهى لعدم تواجدى كثيرا على النت دلوقتى
      إن شاء الله كمان 10 ايام هنزل بوست جديد
      وأرجع أتابع التدوين مره تانيه
      شكرا ليكى أختى العزيزة قمر
      تحياتى

      حذف
  9. هى احبت ولكن لم تعشق والفرق بينهما كالفارق بين السماء والأرض ... بمجرد ما علمت بخزلانه لها قررت الانتقام هذا هو الحب يرحل برحيل السبب اما العشق فهو الأسمى هو الأبقى لا يزحزحه هجران معشوق او خزلانه ... لقت ما استحقت ررغم حزن النهاية واوجاعها .... سعيدة بوجودى هنا يا جمال :-)

    ردحذف
    الردود
    1. قلب القطة
      لا أستطيع أن أصف مدى سعادتى بعودتك لمكانك الرفيع فى النسر المهاجر
      وأتمنى دوام التواصل والعوده مره أخرى لعالمك الإفتراضى الجميل

      بالنسبة لها ارى أناها عاشقة وليست محبه فالعاشق لا يقبل انصاف الحلول إما ان تكون لى أو لا تكون لغيرى حتى وإن كان الحل سيذبح قلبها هى لا تريد قتله إنتقاما فقط قد يكون حبا ايضا فلو كان حب عادى ما كانت لتضيع ثانيه فى التفكير فيه يكفى فقط أنها لا تنظر اليه
      نورتينى ونورتى مدونتى المتواضعة

      حذف
    2. العشق تفانى فىد العطاءحد التلاشى يا جمال ... :-)
      كل عام وانت واحبابك بخير .. دمت جميل كما انت

      حذف
    3. قلب القطه
      العشق تفانى أوافقك فى ذلك
      ولكن نظرة العاشق تختلف من إنسان لاخر فالبعض يسلم للنصيب
      والبعض لا يسلم بسهوله حتى يحصل على ما يريد أو يجعله صعب المنال
      كل سنة وإنتى بسعادة ورمضان سعيد عليكى وعلينا وعلى العالم كله
      دمتى بسعادة ورقى

      حذف
  10. الحب والإنتقام لا يلتقيان.. بلي.. الحب إستخواذ كل طرف على الآخر بطواعية مطلقة.. هكذا ارى الحب
    قصة مؤثرة سردت بأسلوب جميل جداً.. بس والله نهاية تقهر:(
    خالص تحياتي

    ردحذف
    الردود
    1. احيانا يلتفى الحب والإنتقام المحب يصاب بالأنانية أحيانا فإما يحافظ على من يحب أو ينتقم منه
      أما الحب فى ذاته فهو كما تفضلى يعتبر إندماج روحى وعقلى وذاتى إن كان صادقا
      شكرا على تقيم حضرتك للقصة
      وليست دائما كل النهايات سعيدة

      نورتى النسر المهاجر أختى طيف

      حذف
  11. اخى جمال
    يارب تكون بخير
    حبيت اسأل عليك
    انا عندى خمول تدوينى فظيع جدا

    ردحذف
    الردود
    1. قمر وليل
      الحمد لله انا بخير وأتمنى تكونى بخير وصحة جيدة
      وبالنسبه للخمول متعودتش إن قمر يبقى عندها خمول
      على كده إحنا مفروض نقفل بقى ههههه
      أتمنى أشوفلك بوستات قريب
      فى أمان الله

      حذف