البيضة والحجر ( الجن و الدجال )

التربنوخ التربنوخ .........كنا شباب وبقينا شيوخ

     لم اكن أعلم يوما أن الدجل مهنة جميلة حقا ... كم أتمنى ان أكون دجال . حيث الربح الوفير والصيت الكثير والبخور الذى لا يطفئ والكلمات التى لا تعنى شيئا هذا هو ملخص موضوعى اليوم.

     فى الريف المصرى وصعيد مصر تحديدا يكثر الإيمان بقوة الجن وأفعالهم التى تؤذى وبعضها التى تنفع وقد يصل هذا الإيمان لطبقة المؤهلات العليا الى مفروض إنهم من اعلى الشرائح التعليمية فى مصر بعد الماجستير والدكتوراه وأخشى ان أقول إنها وصلت لشرائح الدكاتره فى مجالات كثيره ايضا.

     ومش معنى كلامى إنى لا أؤمن بوجود الجن هما فعلا موجودين وحصل موقف أثبتلى ده أكتر ممكن أحكيه بعدين لكن الجن موجود إلا أنه مش بالخطورة الى إحنا بنشخصه بيها .

     الجن مخلوقات خلقها الله قبل البشر تعيش على ارضه معنا الا انها دائما تسكن الأماكن المهجوره من اهلها والصحارى القافره ومن أنواعها الغواص والمترجل والطائر . سرعتها كبيره جدا مقارنة باى شئ أخر على وجه الارض حتى لو كان الصاروخ أو الضوء وتتنوع فى دينها كالبشر تماما.

     تهوى هذه المخلوقات اخافة البشر لكى يهابوها ولكن الله لم يجعل لها سلطان على البشر قط فليس هناك ما يبرر الخوف منها غير ضعف العقيدة وضعف الإيمان فى القلوب , يلجأ الجن أحيانا لإستغلال حادث ما لاخافة الإنس مثال على ذلك مثلا وهو واقعى إذا قتل شخص فى شقته ليلا فى الوقت الذى قتل فيه نسمع صراخ يشبه صراخه فى ذات الوقت وذات المكان وإذا كان الجن يثق من خوف الإنسى فإنه يلجأ للظهور بشكل القتيل ولكن إذا لم يجد استجابه من البشرى بمغادرة المكان يتوقف عن ذلك وقد يتوقف بعد قراءة ما يذهب تلك المخلوقات من القرأن الكريم.

     وهذه المخلوقات عاجزة حتى أن تعرف المستقبل أو النفع لنفسها فكيف لها أن تعرفه لنا وفى القران الكريم ما يثبت انها ليس لها سلطان على البشر الا لو سلطت من ساحر فكانت اداه فى يده كما تكون أداه أحيانا فى عين الحاسد عندما يرى شئ ويتمنى زواله من عند شخص اخر يكون هذا سبب لتدخل الجن لإفساد ذلك الشئ تنفيذا لرغبة قلب حاقد وأثم 

بالنسبه للدجالين وهما نوعين فيه دجال نصاب ودجال ساحر 
الدجال النصاب 

     ده بقى بيكون شخص ذكى جدا بحيث انه بيقدر يعرف الشخص الى جايله عايز ايه وبيلعب على الوتر ده وبيقعد يقول أى كلام لحد ميقنع الى قدامه إنه خدمه فى الغالب بيزرع اشخاص فى وسط زبائنه علشان يتكلموا معاهم كأنهم مثلا مستنين الدور وبعدين يدخلوا يحكوا كل حاجه للدجال والى بيبنى كلامه عليه بعدين ويبتدى يبيع الرغبات لصحابها على انها للأسياد بتوعه وهو ممكن لو شاف واحد منهم يروح فيها.

الدجال الساحر

     ده انسان بيقدر يحضر الجن بطرق شيطانيه وبيكون عبد ذليل للجن مش زى محنا فاكرين أنه بيسخرهم والكلام ده الجن علشان ينفذله طلب لازم يسجد ليه الأول ويعمل كل ما هو فاحشه ومخالف للأديان والكتب السماوية دا غير انه شخص مش بيستحمى نهائى فبتكون رائحته نتنه ووجوه أسود ولا ياتى زوجته الى فى الحيض ولا يبرا من الحدث الأصغر والاكبر وغيرها من الأفعال التى تعد كفر وكان قديما فى العصور الوسطى يستدلون على الساحر أو الساحره من علامه موجوه فى ظهره تشبه وشم رجل الديك او الأرنب ولا تُزال حتى بالمواد الكاوية لا بد من قطع الجلد حتى الوصول للحم والعظم ويقال انها تكون بسبب بثقة الشيطان على الساحرللتقليل منه وإذلاله وإطاعه لأوامره  والله أعلم. فيستطيع مثل هذا الساحر أن يتعامل مع الكفره من الجن ويسخرهم لأذية البشر فلا يرضى  الجن تقديم المنفعه  لبنى البشر وعندما يخبر هذا الساحر الشخص الذى أمامه باشياء من ماضيه فهو يعلمها من قرين هذا الشخص الذى يلازمه من الميلاد الى اللحد وورد فى القران الكريم ما يدل على وجود القرين والذى ان كان قرين سوء يتبرا من الشخص الذى ارتبط به يوم القيامه ورجوعا لما كنا نتحدث به فإن الساحر يحاول أن يؤكد لضحيته أنه يستطيع فعل المعجزات ويستطيع فعل ما لا يفعله أحد مع أن افعالهم ذكرت فى القران الكريم أنهم يتعلمون ما يفرقون به بين المرء وزوجه وأيضا الإضرار بسلوك شخص ما عن طريق المس وغيره . ومثل هذا الشخص اذا حاول علاج أحد فإنه لا يعالجه سوى بالنجاسات فقط بعكس معالج القران والفلكين أصحاب الديانات والضمائر الصحيحة .

نيجى بقى للضحية 

     الى بيصدق الناس دى أولا لازم تعرف إن بمجرد ذهابك للعراف أو الساحر صلاتك باطله اربعين يوم ولازم تجدد إيمانك بالشهادتين أما المصيبه بقى لو حضرتك بتعتقد فى الناس دى وقدرتها الخارقه الوهمية فشوف بقى ده يبقى اسمه دينيا ايه وإزاى تقبل ان شخص زى ده هو دينيا كافر لو كان ساحر يكون له سياده عليك وإزاى أنت تقدر تقعد معاه فى مكان واحد أظن يكفى أن وجه الشيطان مرسوم على وجهه .

      لا تقلل من نفسك ولا تزيد فى قيمة الجن فهم مخلوقات مثلنا بل هى اضعف منا بكثير لا تجعل خوفك يسيطر عليك لدرجة أن تنسى ايمانك بالله لن يصيبك ضر الا باذن الله ولن يكشفه عنك سوى الله وكيف تخاف المخلوق ولا تخشى الخالق . 

     ايضا لو كنت إنسان تعى كل هذا فإنشر الوعى لمن لا يعلم فلربما كنت سبب فى اعادة عقله اليه لا تترك جاهل يذهب لهؤلاء فالضرر لن يطوله وحده بل قد يصادف أن يزيل الله عنه الغم وينسب هذا للساحر ويكون سبب فى ضلال غيره.

اكثر شئ واقعى شوفته بعينى وأنا فى الجيش 

جندى زميلى إسمه محمد من المنيا كان يصاب بنوبة فجائية تشبه الاغماءة يصاحبها تشنج فى كافة أعضاء الجسم وحقيقتا انا كنت بعتقد إن ده كله كلام فاضى وشكيت ان زميلنا ده بيمثل وكان جسمه متشنج وبارد جدا لدرجة اننا بقينا نضغط على صوابع ايديه لو كان بيمثل كان مفروض الضغطه دى تخليه يصوت باعلى حسه لكن مكنش فيه استجابه لحد مواحد بلدياته قالنا انه ملبوس وبما أنى مكنتش مصدق معلقتش كتير وكنا كل منتنى ايده أو رجله ترجع بردة فعل غير طبيعيه وسريعه جدا واحد من زمايلنا ابتدى يقرا ايات قرانيه جمبه والى خلانى زهلت بجد إنى سمعت صوت بكاء من فمه بيرتفع كلما زادت القراءة وينخفض ويصمت لما يبطل القراءة رغم إن فمه لم يتحرك قط بعكس الى بشوفه فى جلسات خروج الجن فى النت "والى معظمها تمثيل"  انه الجن ينطق على لسان الملبوس  المهم ابتدينا نحاول نلين جسمه غصب وبطرق عنيفه شوية والبعض بقى يدعك عضلاته بقسوة بس محدش يعرف إزاى الجن يخرج ولا عرفنا نتعامل معاه بعد شوية ابتدى زميلنا ده يفوق وطبعا كان فيه جنود بيعتقدوا جدا فى الحاجات دى وبيخافوا منها جدا رغم إننا كنا فى صحرا بقوا يضربوه على رجليه على اعتبار ان الجن هو الى بيحس. المهم انه فاق وحكى لنا ايه الى كان بيحصل حواليه وكل واحد عمل ايه وده الى خلانى وصلت لقمة اندهاشى والغريبه ان واحد من الى واقفين لقيته بيقول الجن قاله هو ايه الى كان بيحصل بس مأعتقدش ان ده حقيقى الى انا متاكد منه ومخلينى متاكد إنه مكنش بيمثل تشنج جسمه وردة فعله والقوة الى حلت عليه مع انه ضعيف جسمانيا وعضليا والبكاء بدون تحريك الفم .والله أعلم أين الحقيقه ولكنى أنا أحكم على ما شاهدت .

     أتمنى مكونش خوفتكم بس ده حصل قدامى فعلا وانا بكتب البوست الساعه 3 بليل ومفيش اى حاجه. ولو فيه مفيش مشكله مش تفرق كتير وبالنسبه لكونى بقول فوق انى عايز أشتغل دجال فده كله كلام مش اكتر لانى بعتبرها أحقر مهنه على وجهة الأرض بالإضافه لكونها جريمة وتضليل وكفر وجهل.

    أتمنى يكون وصل لذهنكم المضمون النهائى للبوست وأتمنى نكون فعالين فى محاولة السيطره على الضحايا وتقليلهم باى طريقه ومحاربة مثل هذا الفعل .