19‏/9‏/2015

كل سنة وأنا طيب

النهارده عيد ميلادى
كل سنة وأنا طيب 
النهارده كان هيمر زى اى يوم لأنى ماخدتش بالى إلا لما أختى الغالية ( رحاب صالح ) - ملكة مدونة حياتى لكن مش حرة فيها -ومدونة حوليات رحاب صالح - قالتلى كل سنة وإنت طيب
وبجد كنت سعيد جدا لسببين الأول إن النهارده معداش زى أى يوم والتانى إن فيه إخوات بجد بيشاركونى لحظاتى الجميلة وبيفكرونى بيها لو نسيتها :)
شكرا لكل شخص إفتكر يوم ميلادى 
شكرا لعالم التدوين الى أعطانى هدايا أثمن من الجواهر وهى شخصكم الغالى 
شكرا رحاب صالح على كلامك الجميل والى هو شرف لى طبعا
خصوصا إنك من أول المدونين الى عرفتهم فى عالم التدوين سواء فى المدونة القديمة أو فى عالمى هذا 

كل سنة وانا وأنتم طيبين وبخير
2015/9/19

هناك 8 تعليقات :

  1. سنه حلوه يا جمال ويارب ايامك كلها خير وسعاده وعن جد انت من المدونين المحترمين اللى تشرفت بمعرفتهم ويارب يديم عليك احبابك وكل الحاجات اللى بتحبها

    ردحذف
    الردود
    1. ربنا يبارك فيكى ويكرمك زهراء
      وانا سعيد بمشاركتك جدا :)
      وشكرا على الكلام الجميل الى حضرتك كتباه وأتمنى أكون كده فعلا
      وحضرتك كمان من المدونين المشهود لهم بكل خير من كافة المدونين
      مودتى وإحترامى

      حذف
  2. يا كثوفي ^___^
    يا جمال انت بجد بمثابة اخويا احمد والله يعلم ما في القلوب
    يكفي أن ولا مرة كنت مشغولة فيها ببحث او حاجة الا وانت كنت مساعدي فيها
    الله يباركلك في كل شيء ويوفقك في الماجستير يااارب
    وأخيرا إني أحبك في الله

    ردحذف
    الردود
    1. مكثوفة من ايه يا رحااااااااااااااااااااااب :)
      إنتى ليك ىالفضل إنى إفتكرت يوم عيد ميلادى هههههههه
      وبالنسبه للبحث فإنتى تؤمرى بس :)
      وشرف لى طبعا إنك تعتبرينى زى أحمد وربنا يعلم إنى بعتبرك أخت وصديقة فى نفس الوقت
      الماجستير بقى أدعى متبعترش فيه وأخلص منه علشان زهقت :)
      أحبك الله الذى أحببتنى فيه
      أختى الغاليه
      رحاب صالح

      حذف
  3. انا اسفه عالتاخير والله
    بس بجد افتقد التدوين.جد وافتقدت كلماتكم وتعليقاتكم ووجودكم
    كل سنه وانت طيب اخى جمال
    وعقبال 100سنه
    ورلنا يباركلك فى عمرك يارب
    شكرا لرحاب اللى كلها ذوق وطيبه
    تحياتى ليك ومنتظرين بوست قريب
    وعلى فكره التورته جميله اوى

    ردحذف
    الردود
    1. قمر
      مفيش أسف ولا حاجه يكفى وجودك فى المدونه ده فى حد ذاته شرف لى
      وبعدين السنة طويلة هو عيد الميلاد رقمه بيتغير الا السنة الى وراها :) .
      وكل سنة وإنتى بخير وسعادة وتفائل
      وكل سنة وإنتى منورة مكانك فى النسر المهاجر .
      طبعا رحاب مشكورة جدا لانها السبب إنى افتكرت عيد ميلادى
      والسبب إنى سعيد بمشاركتم لى
      التورته شكلها جميل بس مدقتهاش هههههه
      تحياتى ومنورة مكانك ديما

      حذف
  4. انا عرفت.من.تعليق رحاب انك بتعمل ناجستير
    ياترى انت خريج ايه
    ربنا يوفقك وينجحك يارب
    صحيح بقه وعندك كام سنه
    عارفه انك بتقول ايه البت الغلسه دى هى مالها

    ردحذف
    الردود
    1. انا بعمل ماجستير فى القانون الجنائى
      يبقى انا خريج حقوق المنصورة سنة 2009
      ومعنى ده إنى عندى 27 سنة و11 يوم... بس ده سر ههههههههه
      وربنا يكرمك ويبارك فيكى
      وبعدين انا مقولتش الكلام الى قولتيه . مفيش شعراء يتقال عليهم كده
      إسألى براحتك إعتبري انك فى موقع إسأل :)
      تحياتى وإحترامى شاعرتنا الجميلة

      حذف