16‏/6‏/2015

فكرة

بما إنى كنت فى رحلة عقلية وإديت لمخى اجازة علشان يفضى من اى حاجه وهو مش راضى . خطر فى بالى فكره بصراحة مش هقدر أعملها لواحدى إنما محتاجه مدونين كتير معايا ودى مش مرتبطه بالمدونين الى بيشرفونى بالزيارة بس إنما مدونين كتير . 
ولكن للاسف عارف إن ممكن أصاب بخيبة أمل لأن المدونين وبصراحة نفسهم قصير فى الكتابة وجزء منهم هجر مدونته للفيس 
ولما إتعمل مخطوطه علشان تجمع كتابتهم الجميلة محدش حاول يشارك إما كسل أو عدم رغبة فى المشاركه لكنه لجأ للفيس كليتا وده لأنه مش بيكتب للكتابه إنما علشان يشوف لايكات كتير وكومنتات أسرع بس للأسف مش بيكون له أرشيف فى الفيس . 
بصرف النظر عن ده كله انا فكرت فى فكره كنت ناوى أنفذها الأول وبعدين أعرضها لكن لقيت إنه لازم قبل مبنى مبنى أعمله اساس وأساسه هو حضراتكم أتمنى كل إنسان يشوف البوست ده حتى لو مش مدون يحاول يشارك معايا فى الفكره دى .

الفكرة

عباره عن مدونة جديدة كل انسان يحب يشارك فيها هيدخلها وأتمنى يبقى المشاركين فيها كتيييييييير وبالذات مدمنين القراءة 
المدونة هدفها إن كل إنسان قرأ كتاب وفهمه كويس هيعرض لأفكار الكتاب ده ممكن مره واحده أو على شكل أجزاء يعنى الكتاب هيتعرض له فى بوستات متعدده 
فى البداية أنت هتعرض للكتاب من وجهة نظر الكاتب يعنى بعيد عن رايك الشخصى خالص هتتكلم فى الافكار الرئيسية فى الكتاب بحيث الى يقرا كلامك يفهم مضمون الكتاب وبعدين هيبقى فيه فاصل وتعرض لرأيك فى الكتاب فى نقطتين إيه عجبك فيه وايه وجه إنتقادك له وبعدين بقى هتناقش التعليقات الى على الكتاب .

الهدف من الفكره هتكون وسيلة تثقف سريعه كلنا هنستفاد منها وكمان لو حد مش فى مقدرته يشترى كتب هيكون متاح قدامه مكتبه مختصرة ولو ممكن يضع صورة لغلاف الكتاب.
أتمنى كل مدون يقولى رايه فى الفكره وهل ممكن يشارك معانا أو لا

هناك 20 تعليقًا :

  1. والله فكرة حلوة بس ده مش وقت تنفيذها بالنسبة لي عشان عندي امتحانات
    يلا
    كل سنة وانتم طيبين ورمضان كرييييم

    ردحذف
    الردود
    1. رحاب صالح
      الفكره مش مرتبطه بوقت يعنى فى أى وقت ممكن تكتبى عن محتوى كتاب ما مش شرط يكون حالا
      كل سنة وإنتى بخير وسعاده
      الله أكرم

      حذف
  2. الفكرة جميلة ونافعة
    ولكنى أعترف انى حاليا
    لا اقرا كثيرا وإذا قرأت لا اعرف
    كيف اعرض او اشرح ما قرأت فقط
    اعرف انى استفدت او لم استفد من الكتاب.
    تمنياتى ودعواتى لك بالنجاح والمتابعة لما سيتشر
    فى المدونة .☺☺

    ردحذف
    الردود
    1. دكتورة نور
      من الممكن أن تكتبى فيما قراتى من قبل
      وأيضا يمكنك العرض لما إستفدتى به فقط
      الاهم فمعلومة صغيره كافيه لمعرفه المحتوى
      شكرا لحضرتك ومنورة مكانك

      حذف
  3. اولا مسا الورد
    ثانيا كل عام وانت بخير
    ثالثا انت بتقول المدونات اتهجرت يعني اللي بقى بعيد عن مدونته تفتكر ممكن يكتب في مدونه جديده انت عارف اني مش مجامله بطبعي باقولك رأيي المتواضع ثم إن مش كتير من الناس بتقرا واللي بيقرا مش هتلاقي عنده الرغبه انه يكتب وخاصة لو الكتاب كبير يعني يقرأ ويكتب انت طماع ههههههههه وبعدين هجرة المدونه إلى الفيس مش عشان اللايكات بالعكس انا باعشق الكومنتات والرغي ونتكلم ونفضفض يمكن عمري ما اكتب كومنت اللي هو حلو اوي أو تسلم الأيادي وبس احيانا اقعد اختصر في التعليق عشان صاحب المدونه مش يزهق ويقفلها في وشي ههههههههههه الخلاصه من الرغي ده ايه مش هتلاقي كتير يشجعوك على الفكره رغم اني أول واحده هاكون مستفيده عشان هاقرا كتب عن طريقكم ببلاش ههههههههههه ربنا يوفقك في الفكره وتلاقي تشجيع مش إحباط زي اللي قولته لك

    ردحذف
    الردود
    1. المدونين الى هجروا مدوناتهم كانت كتاباتهم جميلة بس تقريبا أفكارهم إنتهت والعض حقيقتا بينشر على الفيس علشان اللايكات والكونتات لانه بينشر الى كان بينشره على مدونته
      وطبعا كلامى للمدونين الى موجودين هنا ومتابعيهم إلى مش موجودين عندى
      وطبعا لو الفكره تمت إنتى هتكتبى فيها إزاى معرفش :) أنا بقولك إكتبر فكره عامة عن الكتاب ومفيش مانع تعملى له ملخص وشوفى كم الحسنات الى هتاخديها فى نشر العلم
      الغالبية الفكره حلوه بس مش هنشارك :)

      حذف
  4. طب ما احنا ممكن نعمل ده في المخطوطة !؟

    ردحذف
    الردود
    1. مش هننزل كل حاجه على المخطوطه الحاجات المشروحه كامله هتنزل على المخطوطه أكيد
      دا الى فى بالى ومعظم كلامى فى أةل البوست كنت أقصد بيه المخطوطه :)

      حذف
  5. مبارك عليكم حلول شهر رمضان المبارك وياربي يجعله خير وبركة وأمن وأمان على بلادكم

    عجبتني الفكرة كلش حلوة.. يعني هذه رحلة عقلية موفقة والله.. فشكراً جزيلاً لمبدعها
    بس راح اتطفل شوية بعرض رايي
    أشوف لو كل كتاب يستعرض بتدوينة واحدة ولتكن طويلة بس المهم ما تتجزا المناقشة
    وبعد اقترح لو يرشح كتاب للقراءة مع رابط تحميله يوضع في نفس المدونة
    افرحتني الفكرة لانها ستكون فرصة لتلاقح الأفكار والخروج برؤية ترتقي بواقعنا العربي
    تمنياتي لكم بوافر التقدير

    ردحذف
    الردود
    1. طيف
      أولا منورة النسر المهاجر بوجودك مع تمنايتى بدوام الزيارة الكريمة
      وكل سنة وأنتى بخير وربنا يرزقك كل الخير فى رمضان ويكون شهر رضا ورحمة ومغرفه على حضرتك وعلى كل الشعوب العربية
      بالنسبه للرحلة العقليه فدى مقدمة بس ههههه يعنى قولت أتابع شوية واوقف تدوين فجتنى الفكره قولت اعرضها

      بالنسبه لمقترحك جميل جدا إذا كان كتاب صغير ولكن لو كتاب كبير بيكون صعب كتير إننا نعمله فى تدوينة واحده وخصوصا لو كان هيتكتي فى 30 تدوينة مثلا
      تخيلى 30 تدوينة فى تدوينة واحده
      وبالنسبه لمقترح الكتاب فالفكره دى جميلة جدا لكن بعد مالناس تقرا المدون الى نزل الرابط هيكون ملزم ينزل مختصر للكتاب للمناقشه لأن فكرة المدونة هتبقى الإطلاع السريع يعنى تمشى مع جو العصر
      دا غير ان بعض المدونين ممكن يعرض للافكار المشوقه فى كتبه كنوع من الإعلان حفاظا على حقوقه
      انا سعيد جدا بتواجدك ومقترحاتك أيضا وتفاعلك والتشجيع طبعا

      حذف
    2. تسلم والله.. المدونة منورة بصاحبها
      بلي.. صحيح بس احنا ما راح نناقش موسوعة:) وكل كتاب مهما بلغ عدد صفحاته هو مقسم إلى فصول وهذه الفصول إذا كان الكاتب مقسمها إلى 10 - فرضاً - خلينا ندمج كل فصلين بتدوينة واحدة واكيد ما راح نعيد كتابة الفصلين وإنما كما تفضلت لأهم النكات التي حوتها وبعدها يكون السير على حسب المنوال الذي تفضلت فيه
      بالتوفيق إن شاء الله تعالى.. وبعد كمل جميلك وفكر بعنوان يناسب الفكرة.. عن نفسي دا افكر ياربي ما تطلع ريحة الطبخ فيه:))

      حذف
    3. طيف
      أكون سعيد عندما أرى مدون متابع لندويناتى وأكون أكثر سعادة إذا أعاد الكرة مرة أخرى كنوع من النقاش البناء
      فكرة المدونة أن يكتب المدون كل موضوعاته عن الكتاب على هيئة مسودات ويتم نشرها عند إكتمال المجموعه بالتتالى وهكذا لن يهمل كتاب ولن يكون متقطع .
      العائق الان أمام الفكره كما ترين الغاللبيه يريد ان يتابع فقط لذا فكرت أن يقوم المدون الذى يريد الكتابه بعمل قسم فى مدونته لهذا الأمر . ولكن إن قمت بإنشاء مدونة فستحتاج إلى مدونين وليس مدون واحد

      كنت أفكر فى إسم المدونة "المطالعة" ولكن لنجد كتابها أولا
      شكرا لمرورك الى شرنى كتير جدا ومتابعتك وأتمنى دوام التواصل والود أختى الكريمة

      حذف
  6. السلام عليكم اخى جمال
    حمد الله عالسلامه
    وكل سنه وانت طيب ورمضان كريم
    والله الفكره.جميله جدا والهدف منها رائع
    بس عايزه مدونين جادين جدا وكلهم نشاط وحماس
    انا كان نفسى اشارك بس للاسف انا.معنديش وقت اقرأ فيه ولو بدات فى قراءه كتاب ممكن اركنه شهرين تلاته اربعه على ما الاقى وقت اقرأ فيه تانى
    لكن بإذن الله اما تنفذ الفكره دى هكون.من اول المتابعين بإذن الله
    خالص تحياتى.وتقديرى لك

    ردحذف
    الردود
    1. قمر وليل
      وعليكم السلام وررحمة الله وبركاته
      كل سنة وغنتى بخير وصحة وسعادة
      الحمد لله غن الفكره عجبتك
      وأنا متأكد إنها لو تمت هتكونى من الجادين الى هيشاركوا فيها ومش هتكتفى بالمتابعه بس
      تحياتى أختى الكريمة

      حذف
  7. لما تعملها يبقى قولى وأنا أشارك بإذن الله
    أنا بأعشق الرغى عن الكتب

    ردحذف
    الردود
    1. إنت صاحب مكان يا محمد
      مش محتاج حد يدعيك إنت تكتب علطول :)
      محتاجين عدد من المدونين والغالبية عايز يقرا بس

      حذف
  8. بشهر رمضان غالبيتنا يكون مشغول من الآن بدأت تحضيرات العيد.. احنا البنات نكسر الخاطر:)
    إن شاء الله بعده الامور تكون غير.. يعني سوي المدونة وأكيد راح الغالبية يشارك.. حتى ولو لم يقرأوا الكتاب يعني لتكن المشاركة على ما يطرح حول الكتاب وكاتبه.. أتصورها ستكون لا إرادياً دافع لقراءة الكتاب ولو بعضه.. كلٌ بما تجود به ظروفه.. وبهذا تضمن مشاركة من تود مشاركته

    ردحذف
    الردود
    1. طيف
      نورتى مكانك بالنسر المهاجر
      أنا إن شاء الله هنشئ المدونة الجديدة
      وهتكون على نظام سلسله يعنى صاحب الكتاب هيكتب كل ما يخص الكتاب فى المسوده والنشر هيكون للأجزاء متتابعة بحيث لا تتداخل الكتب فى بعضها .
      والدافع لهذا العمل إنى درست كتاب وحبيت انشر افكاره وأيضا زيادة الإطلاع وخصوصا إن كل مدون هيكتب باسلوبه وبالمعلومة الى اخدها من الكتاب ........ كل ده هوضحه فى الكلمة الغفتتاحية للمدونة دى إن شاء الله ........ والكتب المميزه سيتم نقلها لمدونة المخطوطة والتى ستعتبر بمثابة ارشفة للمره الثانية باسم كاتبها ......... ولكن لا بد ان تشاركى معنا
      تحياتى أختى الكريمة

      حذف
    2. العفو.. منورة بوجودكم.. بالتوفيق إن شاء الله.. ما كان لله ينمو.. وقطعاً يسعدني المشاركة معكم

      حذف
    3. وأنا يسعدنى وجودك فى النسر المهاجر كثيرا
      مودتى وإحترامى

      حذف