4‏/9‏/2017

نظرة للحياة


أولا كل سنة وحضراتكم بخير . النهارده أخر ايام عيد الأضحى المبارك أعاده الله علينا وعليكم بالخير والبركة 
ثانيا بعتزر عن التاخير الطويل فى الكتابه وان كنت متأكد إن مفيش حد منتظر كتباتى بس أعتبروها محاولة احساس بالأهمية ..ههه
طبعا وحشنى جدا انى اتكلم معاكم ووحشنى اكتر تواجدكم الغالى واعترف ان متابعتى لعالم التدوين قلت جدا مقارنه بالأول
لكن لعله خير
طبعا مش هينقع يعدى اليوم كده من غير منقول ملحوظه ونسال سؤال
ويمكن السؤال يكون محير او غير محير لكن بجد محتاج اجابه
فين الناس ؟!
فين الى كنا بنشوفهم واحنا صغيرين امثله ... اسلوب حياة متكامل.؟
بجد راحوا فين وهل دى سمة العصر ولا العصير
فين الأرواح الى بتحرك البشر ؟
الحياة جميلة لما بتقابلنا حاجات جميلة فقط على الأقل ده الى بنحسه
مع ان الحياة ككل جميلة بس ليه بنفرح بلحظات منها وبنقفل حياتنا على تحقيق امنيات طبيعيه يعنى ممكن ندرجها تحت حقوق الإنسان أو الحياة الطبيعية... لكن بنحس فيها شعور الامنية
وبقت واقع يفرض علي البعض
يعنى مش لازم أطلع السلم مادمت ساكن فى الدور الأرضى ومش لازم أكل ايس كريم الذهب مادام مش اغنى اغنياء العالم
مع انه فعل بسيط بس بالنسبه لإنسان هيكون تبذير وبالنسبة لتانى هيبقى رفاهية وبالنسبه لتالت هيبقى مجرد مثلجات ...
مثلجات الحياة
يمكن كل سنة بحس ان العيد لذته بتقل عن السنة الى قبلها بس ده طبيعى .... ليه بقى ؟
بقت الناس تسهر للصبح وتصحى العصر فى العيد
بقى فيه تجار مواد مخدرة بيستعدوا للموسم بتاعهم ..الغريبه بيكون المدمن من دول صايم الوقفه وبيعك بليل
أخيرا المتحمرشين ودول كتير
ورغم كل ده ... لن يكون هناك أجمل من تكبيرات العيد ما زالت القلب النابض للأعياد ☺☺
كل سنة وعيدكم سعيد
كل سنة وحياتكم افضل
كل سنة وانتم طيبين
العين الى فوق دى عجبتنى مش اكتر هههه

هناك 8 تعليقات :

  1. وأنت طيب وبالصحة والسلامة يا جميل
    :)

    ردحذف
    الردود
    1. وإنت بخير وسعادة شريف باشا
      نورت النسر المهاجر

      حذف
  2. السلام عليكم
    اخى جمال
    ازاى تقول ان محدش بيستنى الجديد عندك امال انا روحت فين عههههعهه
    انا كمان مقصره جدااا بس غصب عنى والله الواحد بقه عنده خمول فى كل حاجه
    وكل حاجه فقدت بريقها للاسف والله حتى النت مبقتش احب افتحه زى الاول
    الحقيقه اسألتك دى انا بسألها لنفسى ومش لاقيه ليها اجابه غير اننا فى زمن ما يعلم بيه الا ربنا
    ربنا يرحمنا ويصبرنا بجد
    كفايه ان معادش فيه بركه فى اى حاجه واوقات الفرح بقت قليله جدا ومؤقته ومحدوده اوووى
    يلا الحمد لله لو جينا نقارن نفسنا بشعوب تانيه هنلاقى اننا احسن من غيرنا والحمد لله
    كل سنه وانت طيب
    واتمنى انك تكون فى افضل حال

    ردحذف
    الردود
    1. وعليكم السلام ورحمة الله وبركاته
      أختى قمر
      طبعا شرف كبير لى متابعتك تدويناتى وتواجدك الدائم
      كل سنة وانتى طيبه وبخير وعيد سعيد عليكى ويارب كل عيد وإنتى بخير وسعادة
      أسعدنى وجودك كثيرا

      حذف
  3. وحشتني جدااا
    ومقصر في حقك جداااا
    لكن أدينا بنحاول
    طب قولي
    أكل الأيس كريم بالدهب ده
    ولا اكل واحد عادي وأوفر الباقي احطه في تمن السخان :)

    ردحذف
    الردود
    1. أنت وحشنى أكتر محمد باشا
      وياباشا كلنا مقصرين فى حق بعض
      ربنا يديم المحبة
      بالنسبة للأيس كريم بالدهب استخدامه يتوقف على تمن الدهب بالنسبه ليك قيمته الحقيقية كام
      ومدام اتكلمت عن السخان يبقى قضيها فانيليا وأمرك لله هههههههههههه
      نورت مكانك

      حذف
  4. السلام عليكم ورحمة الله وبركاته
    اذيك أخى جمال
    والله وحشتنى جداا جداا وكل الأخوة والأصدقاء
    والله معاك حق وأنا بقالى أكتر من سنة لا بدخل مدونة ولا فيس ولا تويتر ولا حتى مواقع الجرافيك اللى بنشر فيها شغلى وأعمالى

    الحياة تأخذنا إلى ما حيث تريد هى لكل واحد مشاغله وحياته ومتطلبات حياته

    أنا أتمنى أبقى موجود دايما هنا أكتب وأقرأ لكم وأشارككم الرأى والحوار
    أن شاء الله بحاول أرجع من تانى

    كل سنة وأنت بخير يارب وكل أيام أعياد وكل أصدقائناا الأحباء
    تحياتى لك وللجميع

    ردحذف
    الردود
    1. السلام عليكم ورحمة الله وبركاته
      الحمد لله بخير اخى سعيد
      إنت واحشنى كتير والله وألأخوة المدونين وعالم التدوين كله
      الدنيا أخدت الجميع لكن أكيد هيفضل التدوين المكان الراقى الى نلجأ اليه ونجد فيه ارقى الأشخاص زى حضرتك
      كل سنة وحضرتك بخير وسعادة

      حذف