23‏/6‏/2016

إجرام التكاتك

التوكتوك 
أكيد الى إختراعه مكنش قاصد الى بيحصل لينا من التوكتوك وسوقينه وأكيد إن البلد الى ظهر فيها التوكتوك مفيهاش عشر التكاتك الى موجوده فى مصر .
فى البدايه قالوا مشروع شباب وفلوسه حلوة ومحدش اعترض ... الشباب بقى ابتدى يستعمل التوكتوك فى الهلس .. الى يشرب مخدرات والى ينقل فيه المخدرات أو يستعمله فى اعمال منافيه للاداب وتقريبا دى وظيفة التكاتك بعد الساعه 11 بليل والى موظف وعايز يزود دخله فيشترى 10 تكاتك ويزود الطينه مبله .... يبنى ده للشباب علشان يشتغل  يقولك وأنا مالى وحاليا بقى بيركبه الأطفال حتى ان بقى طفل عنده 7 سنين يسوق توكتوك .
الشرطه ابتدت تتعرض للتكاتك علشان ده حتى إن ظابط الشرطه بقى يعرف سواق التوكتوك من شكله تخيلوا لما شخص يتقبض عليه بتوكتوك والظابط يقوله شكلك مش شكل سواقين التوكتوك ويطلع كان واخده مشوار
فى البدايه كان المنطقه بيبقى فيها أقصاه 20 توكتوك النهارده بقت 150 و 200
نيجى بقى للمشكله الاكبر لو دخلت شارع وعربيه قبلتك وواحده هترجع للتانيه ميعديش نص دقيقه تلاقى التكاتك بقى محوطاك من كل مكان ومبقتش عارف تتحرك ومع كمية التناحه الى بتبقى مصاحبة ساقين التوكتوك الى هما كانوا صيع فى الأساس الدنيا بتقف وممكن فجأه تلاقى بنى ادم نط قدام العربية بتوكتوك أو يتسبب فى داث علشان الاستاذ بيجرى باقصى سرعه علشان يلحق يجيب زبون تانى ولما يتمسك ويترخصله يقولك الحكومة ظالمه .. 
غير كده كمية جرائم القتل الى تمت اما بتوكتوك أو فى توكتوك يعنى قتل سواقين التوكتوك للإستيلاء عليه أو سرقه فلوس منه
أو استدراج ناس لأماكن مقطوعه لنشاط مشبوه ويتم جريمة قتل أو هتك عرض او غيره 
مش مشكلة الشباب يشتغل بس الى يركب التكتوك يبقى واحد عايز يشتغل لازم سنة يبقى فوق 18 زى السيارات لو مشى بطريقه خطر او غلط يتحاسب ولو اتمسك بفعل غلط يتعاقب عقاب شديد . لازم يتحدد عدد كل المركبات فى المدينة الواحده او القرية مينفعش كل يوم السرطان ده ينتشر ويظهر أجيال بياخدوا من الأفلام المسفه وينقلوه للشارع والى بقوا حتى فى افلامهم يستعملوا التوكتوك علشان يوروهم كيف يكون إجرام التكاتك

هناك 20 تعليقًا :

  1. التوكتوك ظهر فى الهند من الستينيات ... بس هناك هو اسمه عربة أجرة وله رخصة وسواقه له رخصة
    مفيش مشكلة فى التوكتوك إنه بيمشى فى الشوارع الصغيرة وأماكن صعب وصول سيارات الأجرة لها .. كمان مفيد لكبار السن انه يقدر يوصلهم لحد باب بيتهم

    بس الكارثة هية الهمجية بتاعتنا .. الكارثة لأنها بقت شغلة اللى ملوش شغلانة وطبعا الجرائم الناتجة عن العينة دى .. التوكتوك مش مرخص ولا اللى بيسوقه له رخصة وده غير قانونى وغير منطقى عشان كدة بيركبه أى حد
    الهند بلد كبيرة جدا مساحة وسكان ومفيد جدا فيها وفيها أعداد بالملايين بس الموضوع منظم
    مشكلتنا فى النظام يا جمال وتحديد المكان اللى ينفع له التوكتوك
    عارف أنا بروح محافظة تانية بالقطار بجنيه .. التوكتوك الخطوتين ب 2 جنية ومابالك بالإستغلال المخصوص اقل مسافة على الأقل 10 جنيه .. والله أغلى من التاكسى


    طبعا لازم يتم تحديد الأماكن والأعداد وعدد الركاب وتحديد الأجرة كمان .. ووضع قانون يحكم المهزلة دى


    رمضان كريم

    ردحذف
    الردود
    1. دائما ما تكون تعليقاتك اضافه جميلة للبوست وحقيقة أن تنظيم العمل هام وضرورى
      ولكن أصبح من الصعب ذلك مع انتشار هذا السرطان خاصه مع سائقيه الذى يوصف أغلبهم بالرعونة
      تحياتى أخى سعيد

      حذف
  2. بتفق معاك جدااا
    صحيح هو مفيد جدا خصوصا في الشوارع الضيقة والشوارع البعيد عنة موقف السيارات لكن انا فعلا بخاف اركب توكتوك بالليل
    صحيح هو مفيد لذوي الاحتياجات او بعض الموظفين لكن مش مأمون مع غيرهم ...حاتليا انا اعرف واحد جاري عنده توكتوك وهو من زوي الاحتياجات الخاصة ده الي اقدر فعلا اروح معاه يوصلني مشوار ف اي وقت من غير ما اخاف لكن اي توكتوك م الشارع بالليل ابدااااااا
    التوكتوك ده بلالالالاء وكفاية الي شايفنه منه ف المسلسلات والافلان وبيطبقوه ف الواقع

    ردحذف
    الردود
    1. أختى رحاب
      اهلا بك فى مكانك
      وكل عام وإنتى بخير
      التوكتوك كما قلتى ليس أمان
      ويفضل أن للفتيات أن يركبوا مع من يعرفوهم
      حتى أنه أصبح غير أمن على احد بسبب استغلاله فى اعمال السرقه والقتل
      ولكن ماذا نفعل !
      نورتى مكانك

      حذف
  3. اتفق معاك في كل حرف هذا البتاع اللي اسمه توك توك ربنا يكفينا شره والولاد اللي شغالين عليه أطفال وأشكالهم ربنا يلطف بينا إلا من رحم ربي عاوزه اجيب واحد واشتغل عليه ده مشروع مربح جدا جدا ههههههههههه

    ردحذف
    الردود
    1. هههههههههههههههههههههه
      هاتى واحد . واشتغلى هو مربح جدا فعلا
      ويمكن مش تصدقى انى شفت بنت شغاله على توكتوك بس حاطه سنجة جمبها
      هتعرفى تستعملى السنجة زهراء ههههههههه
      نورتى أختى زهراء وكل سنة وإنتى بخير

      حذف
  4. السلام عليكم
    بعتذر عن التأخير والتقصير
    كل سنه وانت طيب
    موضوع التكاتك ده للاسف مشكله كبيره جدا
    انا اعرف ان فى قله من سواقين التكاتك ناس محترمه وعايزين يكسبوا بالحلال
    لكن الغالب للاسف مثال سىء جدا للانحراف الاخلاقى
    ياريت يكون فى رقابه اكتر من كده من الشرطه
    تحياتى
    عجبنى الموضوع جدا

    ردحذف
    الردود
    1. أختى قمر وليل
      كل سنة وحضرتك بخير وسعاده
      الرتوكتوك لو عليه رقابه زى مبتتمنى كان بقى صورة جميلة فى الشوارع مش تلاقى واحد يرمى نفسه فى اى مكان علشان يوصل الأول ويضر غيره
      أتمنى أنا كمان يبقى بصورة أحسن
      كما أتمنى دوام تشريفك لى بالرد

      حذف
  5. عندنا شكلها مختلف وعددها كلش محدود تكون بس قرب مراكز التسوق التجارية حيث تقطع نقاط التفتيش الأمنية الطرقات أمام السيارات فتكون وسيلة لإيصال مشترياتك إلى حيث تقف سيارتك وعادة يقودها الفقراء وهم موضع عطف الناس
    المهم.. يقول: الـ ما تجيبه المروة تجيبه القوة" القصد هذا واجب الدولة في تنظيم وتقنين هذه الظاهرة أو وغيرها.. حين يغيب دور مؤسسات المجتمع المدني تطفح مثل هذه الظواهر الغريبة
    ويبقى السؤال اليتيم: يوجد الكثير ممن يعاني من وقت الفراغ فلم لا يُبادر إلى إنفاقه بالإنصمام إلى جمعيات خيربة ثقافية، تربوية أي جمعية تهتم بقضايا المجتمع كما في باقي المجتمعات.. متى ينمو هذا الحس في داخلنا؟

    ردحذف
    الردود
    1. التكاتك عندكم بالمظهر ده تبقى حضاريه جدا
      وجميل غن فيه ناس بتكسب حلال بيها وفى أماكن محدده
      هنا تقريبا بقت أكتر من البنى أدمين نفسهم
      وبأيدك فى الجمعيات الخيرية الثقافيه وأتمنى تتفعل فى مجتمعاتنا
      تحياتى وسعيد جدا بوجود فى عالمى الإفتراضى
      كل سنة وحضرتك بخير

      حذف
    2. وانت بألف خير وصحة وسعادة.. يارب
      بس احنا معوضين التكاتيك بـ بلاوي الله يجيركم منها.. بين توجع قلبك وبين ان تستحي من ذكرها.. إذا على التكاتيك هينة.. عندنا يسموها ستوتة

      حذف
    3. كل مكان وفيه مصائبه أختى طيف ونسال الله أن يحمبنا منها
      البشر على كل شاكله
      أما التوكتوك فأنا وجه انتقادى له إن الى بيركبوه هنا أحيانا برموا نفسهم أمام السيارات لكى يصلوا سريعا وبيعرضوا حياتهم وحياة الأخرين للخطر بشكل مقزز .

      وشكرا على المعلومة إن اسمه ستوتة هههه اول مره أعرفها :)

      دمتى بخير ودمتى منورة مكانك فى النسر المهاجر دائما

      حذف
  6. العيد حلو وبرفقتكم أحلى
    عيدكم مبارك وأيامكم سعيدة وإن شاء الله من العايدين بخير وعافية وتحقق كل أمانيك.. يارب

    ردحذف
  7. ربنا يجعل أيامك كلها حلوة وبخير
    والعيد جميل بوجود ناس محترمة زى حضرتك وأخوتنا المدونين
    كل سنة وإنتى طيبه ويا رب دائما تكونى بخير ومنورانى دائما ومنورة مكانك فى مدونتى المتواضعه
    وشكرا جزيلا على المتابعه الدائمه وده شرف كبير لى أختى طيف
    مودتى وإحترامى

    ردحذف
  8. طرحك راقى وواضح وفى الصميم كلنا نتفق ان التوكتوك خطير جدا وخصوصا ان اللى بيسوقه اطفال وناهيك عن اخلاقهم والفاظهم مافيش شك انه اوقات بينفع لكن ياريت يبقى بالادب والاحترام وترخيص ربنا يرحمنا
    وحشتنى المدونة وارائك الراقيه جمال
    مساء الفل

    ردحذف
    الردود
    1. نورتى مكانك شاعرتنا الجميلة
      والحمد لله على العودة الكريمة
      وطلعا أؤيد رايك كثيرا فالتوكتوك اصبح وباء ونقمه مع انتشاره
      ونتمنى من الله ان يتم تقنين عدده وباقى شروط السلامة
      وووجود حضرتك وحشنا كثيرا شاعرتنا الجميلة
      مسائك ورد ورياحين

      حذف
  9. السلام عليكم اخى جمال
    ياترى ايه الجديد بعد بوست اجرام التكاتك
    منتظرين موضوعاتك
    تحياتى

    ردحذف
    الردود
    1. وعليكم السلام ورحمة الله وبركاته
      إن شاء الله هيبقى بوست فى قسم من أجل صحتك
      إن شاء الله هيتنشر قريب
      مودتى وإحترامى

      حذف
  10. طرحت موضوع شائك فعلاً ، من فترة حضرت ندوة عن الموضوع ده و وجدت ناس كتير بتعرض اراء مختلفة لكن من ابرز تلك الأراء اللي اشتريتها هم ناس يدافعون عن التكتك كونه وسيلة الانتقال الوحيدة في الحواري و الشوارع الضيقة اللي مش بيوصلها حتى سيارة اسعاف لو لاقدر الله فيه اي حد محتاجاها !

    ردحذف
    الردود
    1. أولا أهلا بوجودك أختى هبة ويارب منوره مكانك دائما
      بالنسبه للراى فهو صحيح ولكن المشكله أختى الكريمة مني ركب التوكتوك غالبا أطفال غير مسؤلين وشباب غير مسؤل ليس انسان قويم يمكن أن يقود مركبة فلو كان كذلك لإحتضنت الحكومات هذا المشروع ولكن على النقيض الجرائم الشنعاء غالبا بسبب التوكتوك . حوادث سرقه وقتل وغالبا اغتصابات . السؤال هنا هل روح الإنسان ارخص من ثمن توكتوك مسروق لا يتعدى 1500 جنيه لا بد من السيطره على هذا السرطان الذى يزحم الطرق ويغلقها كثيرا

      مودتى وإحترامى

      حذف