مصريين

أول مره أو تانى مره أكتب من غير وضع صورة فى البداية لكن انا ليس لى انتماء سياسى إلا أنى مصرى فى النهاية

ففى الفتره الأخيره ظهر اتجاهات كثيرة جدا فى مصر أكثر من اللزوم
وأحزاب أكثر من الإتجاهات التى انقسموا اليها كل شخص بطلب وكل شخص بفكر ويريد أن يظهر فكره على اراء الأخرين
زمااااااان كان الكلام ده متطبق يعنى الفكر تابع لراى واحد وكان يطبق بالقوه فهل كان هؤلاء مصرين من يستاثرون بالراى ويعتقدون انهم صح والباقى خطأ ولكن الحمد لله سقط هؤلاء الطغاه وعلى راسهم هذا

نرجع للى ظهر وطنيتهم بعد سقوط مبارك وبقوا وطنين فجاه من امتى ظهرت الناس دى على الساحة
بجد حاجه تزعل ان بعض الناس فاكرين الوطنيه بتخر من اجسادهم وفلوبهم لكن للاسف
ناس كتير تعرف انهم ليس فى قلوبهم اى زرة انتماء فى قلوبهم لمصر
هل لو هما وطنين إمتى ظهرت وطنية الناس دى
قد يكون البعض معارض لى فى الكلام ده لكن بجد مش شايفم وطنين

يمكن أشهرهم الإنسانة دى
الى هى هالة سرحان طبعا كلنا فاكرين أنواع اللقاءات الى كانت بتعملها هى قبل الثورة
زيها زى اى حد رجع بعد الثورة وقال الحكومة القديمة ظلماه وجيه يولعها طبعا على غير اساس
يعنى فيه ناس بتعمل الثورات على اساس انما دى عايزه تدين الثورات وخلاص من غير اساس
هل مثل هؤلاء فى قلوبهم ذرة وطنيه ذرة حب لمصر
كل ما استطعنا فعله أنا قولنها على كل من كان فى الوطنى فلول وبعد ذلك ألا تعلم أنه يوجد فلول لم يكونوا فى الوطنى
بجد أنا بستغرب إزاى دى يبقالها مقيدين
طبعا ممكن أى حد يقول لا هى وطنيه لكن ده رايى ممكن يكون صح أو غلط
لكن فى نفسى أنا صحيح
نيجى بقى للفلول الى دخلوا احذاب تانيه وبرضه عملوا نفسهم وطنين وللأسف هما معروفين ومنجحوش فى دواير كتير
لو فكرنا بس شوية هنلاقى ناس كتير حبت تطلع على أكتاف وجثث الثوار الحقيقين
أنا بجد حزين على ارواح الثوار الحقيقين الى كانوا بيتمنوا مصر أحسن
لكن كيف نعطى هؤلاء الشهداء حقوقهم إلا إذا بنينا الدولة التى تمنوها
هؤلاء الثوار ونتمناها نحن وأصحاب الفكر السليم
لكن إزاى ده يتحقق وكل التناقضات والنفوس المريضة والمرتشين موجودين فى بلدنا بيهاجموها
كل اعلامى من الناس الى عملوا نفسهم بريئين بيحاول يعمل نفسه وطنى وثورى وصدقنى قلبوهم كالحجاره بل وأشد قسوة
الشعرواى رحمه الله قال جملة فى لقاء أنا عن نفسى مقتنع بيها جدا لكن هل كل الناس مصرين بجد

طبعا الكلام ده سليم مئة بالمئة ولو لاحظنا كثير من الأعتصامات والثورات فئوية
وكل واحد عايز يبقى هو قائد الثورة
ونرجع ونقول مش ليبيا عملت مش تونس عملت ديما مش عارف ايه الأول وإحنا بعدين ايه المشكله
وليه نبقى زيهم فى كل حاجه كل دولة وليها ظروفها وكمان السرقه فى مصر كانت أكتر من الدول دى بكتير
يعنى مصر كانت بئر وكل واحد بياخد الى يسد عطشه وياخد زياده ومش مقتنع بالى أخده يتمنى يجيب نهاية البئر لكن لما عرفوا إنها بئر بلا نهاية حب كل واحد يحط باب على البئر ويبقى له لواحده
مبقتش عارف مين المصرى بجد ومين المصرى بالصورة ومين مصرى فى البطاقه بس

كلنا مصرين فى البطاقه بس هل بنحبها بجد
ظهر تعدد الاحزاب الكتير أوى وده رغم إنه مش كويس لانه بيضم فلول الا انه كويس فى المجلس كل واحد هيحاول يثبت نفسه
قدام الناس وينتقد التانى وده المطلوب ان فى الأخر الشعب هو المستفيد
وظهر أحزاب الإسلامين وأحزاب المسيحية او التى تؤيدها المسيحية ده كمان غلط لاننا فى الأخر مصرين لكن فى المجلس
كوبس اختلاف الفكر مطلوب ميبقاش كله وطنى والباقى مستقلين
بس مفروض مسلم او مسيحى مننساش مصر وإننا مصرين فى الأخرومفروض نسيبنا من الى بيحبوا الفتن ويموتوا لو شافو الإتنين متحدين لكن فى النهاية الناس هى الى بتعطى الفكره دى
الحكومة الجديدة والمجلس العسكرى والجنزورى والداخليه
الجنزورى عموما انا مع الراجل ده لانه بيحب مصر بجد وبيحاول يقوى عصب الدولة فى فتره وجيزه لكن محتاج الناس معاه أما بالنسبة للمجلس العسكرى والداخلية فده مش عارف موقوفهم ايه طبعا الغالبية بيقووا انهم ضد الناس وناس بتقول لا معاهم
وده على ما نراه فى الجيش الييبى والسورى وغيرهم ومننساش إن جيشنا قوى كمان
شوفت فيديو واحد كاتب هل هؤلاء خير أجناد الأرض
أحب أقوله أيوه دول خير اجناد الأرض وده يعلمه كل مسلم ومسيحى لو مكنوش كده كنت لقيت أنجلترا وفرنسا وأمريكا واسرائيل نيمين فى بيتك لكن فى النهاية صوابعنا مش زى بعضها
إذا كان الثورة نفسها ساعات فيها مخربين فلازم الجيش والداخلية يكون فيهم هما كمان
أنا عن نفسى الى شافيهم مصرين بجد هما دول

كل واحد جمب اخوه على قلب رجل واحد ومطالب واحده
فى النهاية مش هقول غير كلمة واحده لاى انسان عربى مش المصرين بس

أجمل سلام لكل من يحب مصر

واسمه وقلبه

مصرى

فى النهاية بجد بأسف إنى أدرجت الصور دى